生命鬥士︳小鐵漢打大佬後平安過渡危險期 媽媽報喜：可靠自己呼吸面色好好

患有先天性心臟病的「小鐵漢」Kanas年僅4歲時已經歷5次心臟手術，周一（27日）在兒童醫院接受第3階段單心室循環手術，此終極手術歷時8個鐘，難度之高有如「打大佬」，令爸爸Jayco及媽媽Doris十分擔憂。不過Doris昨晚（29日）發文報喜，指小鐵漢已平安過渡危險期，目前只要排尿排得好，就可返回普通病房，期待出院後一家再去玩。

同場加映：

Sick問識答︳缺乏運動、肥胖恐影響排卵致不孕 中醫拆解多囊卵巢綜合症3大症狀︳中醫4大治療方針

{{hket:ul-video id="4268"}}{{/hket:ul-video}}

早前消息指多次為Kansas操刀、心胸外科顧問醫生羅冠中已向醫院請辭，並將於10月底離港及移民，令小鐵漢父母甚為擔憂，但所幸今次手術趕及獲羅醫生親自操刀。小鐵漢媽媽昨晚在Facebook發文，表示兒子已平安過渡危險期，

「小鐵漢已經完成Upgrade（升級）喇！頭先入咗去PICU（兒童深切治療部）探囝囝，佢好叻仔呀，已經醒咗，同埋唔使插喉可以靠自己呼吸，而且面色仲好好添。」

（↓點擊圖片放大↓） 

她指出，醫生表示小鐵漢已完全適應新的單心室循環系統，心功能穩定，惟腎功能指數仍然很高，

「醫生話如果Keep（維持）住都係咁高嘅話，最壞情況需要安排洗腎，不過醫生都有話好多病人手術後頭幾日都有咁嘅情況嘅，只要去水去得好（屙尿），就冇問題㗎喇。」

她續指，小鐵漢在病房中見到爸爸，第一句便說「我好急尿」，相信他已忍了很久。由於兒子習慣自己去洗手間，懷疑他因「唔夠膽屙尿」而導致腎功能指數偏高，遂告訴手術後暫未能下床的兒子，「你而家要當自己好似BB仔咁，想屙就屙，唔需要問人，亦都唔需要怕整污糟」。兒子隨後順利排尿，她終於感到安心，「所以我相信，腎指數偏高呢一Part（部分），一定好快搞掂。」

（↓點擊圖片放大↓） 

媽媽表示，現時每日只可見到兒子30分鐘，「見唔到你嗰廿幾個鐘真係好擔心」；但每次入PICU見兒子，醫生都會說小鐵漢「好乖好聽話冇扭計」，而且康復進度一次比一次好。最後，媽媽希望小鐵漢可以盡快康復，健康成長，

「阿仔，您要乖呀，記住！屙多啲尿，唔使問人，想屙就屙，排水排得好，就好快可以返普通病房㗎喇，到時爸爸媽媽就可以24小時陪住你㗎喇！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴