零負評女神│38歲林依晨結婚6年傳出喜訊 秘孕9個月老公返台迎接小生命

現年38歲嘅台灣「零負評女神」林依晨2015年同圈外人林于超結婚，二人相識過程似足偶像劇情節，當年佢哋喺林依晨表姐嘅婚禮上重逢，林于超嘅貼心舉動令女神心動。林依晨於訂婚宴上被問到要生幾個小孩時，仲話另一半未來想生3個，但佢自己覺得如果「生一支足球隊（11個）」更好，可見小倆口對未來生b一事有共識，都聽得出二人都非常鍾意細路。

同場加映： 張潔蓮嫁了對的人卻常被冠錯夫姓 與袁文傑婚後關係仍如老友

{{hket:ul-video id="4267"}}{{/hket:ul-video}}

{{hket:inline-image name="c309f12eb20c469973c21fb6f14b78c9saasftp20200221.jpg"}}{{/hket:inline-image}}

林依晨同老公都係俊男美女，唔少粉絲都好期待見到佢哋嘅愛情結晶品，傳媒都周不時向佢「催生」，可惜結婚多年都一直未有聲氣。不過今日（29日）終於傳來喜訊，原來女神已經成功懷孕多時，更加係下個月就蘇得，真係可喜可賀！其實林依晨今年3月時剪咗一頭超短髮，佢於記者會上直言自己同老公用盡方法希望「造人」成功：「該試的我們都試了，任何你想得到的方式，我們都試過。對我來說是蠻重要的旅程，我比較謹慎對待。」被問到幾時拍新戲，林依晨表示「最樂觀」都要到出年。如果10月臨盆，加上坐月、哺乳等，的確要到出年先可以復出，可見其實當時林依晨應已懷孕2個多月，但就仲未可以公開。

林依晨老公林于超於專營潛水器材嘅家族事業中掌管美國洛杉磯分公司，婚前就知道二人會係「遠距離婚姻」。前年開始由於疫情的關係，林依晨原本與老公1、2個月見一次面，現在變成3、4個月，甚至可能半年才能見上一面。老公長年唔喺台灣，林依晨就擔起照顧老爺奶奶嘅重任，又會帶佢哋一齊出遊、用餐，係一個超級好新抱。今年3月林依晨受訪時，都透露老公將返台，林于超日前都被影到已經到埗，為迎接新生命做好準備。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】