江嘉敏戴妖后假髮激似王祖藍 起雞皮回應：我都想似佢咁聰明

現年26歲嘅「宅男女神」江嘉敏（Kaman）入行近十年，一直保持住長長秀髮，嬌滴滴嘅可愛形象深入民心。不過，江嘉敏近日為TVB新劇《四十二章經》嘅角色，犧牲靚女形象狠剪秀髮變男仔頭。

同場加映： 【娛樂直擊】陳家樂符碌叨光中六合彩 劉佩玥被爆手機睇鹹網

{{hket:ul-video id="4229"}}{{/hket:ul-video}}

日前Kaman喺IG Story上載咗一張剪咗一頭清爽短髮、變男仔頭嘅相，自嘲好似「細佬」，留言﹕「Say hi to my brother.下次都係叫細佬化返個妝先出嚟見人，而家睇住素顏先。」江嘉敏之後再自拍出post，當時已返到電視城開工，化咗靚妝、gel行頭，當堂sharp醒晒。對她的新髮型，網民反應兩極，有人指佢唔係好襯短頭髮，亦有人覺得佢都carry到新髮型，又大讚Kaman為角色剪到咁短好專業！

{{hket:inline-image name="_2021091917173762262.jpg"}}{{/hket:inline-image}}

其實江嘉敏未剪頭髮前秀髮差唔多長到腰間，所以係一口氣剪逾10寸長髮，佢睇嚟都好唔捨得，出舊相留言：「嗰日係最後一日長頭髮，一路出event心情一路忐忑，買落嘅裙要過一排先着得。」而佢剪短髮後連日嚟都係出舊相，似乎都未接受到自己新look！噚日佢更加戴住一頂假髮上節目《代溝關注組》擔任嘉賓。

Kaman為區永權及張秀文主持嘅《代溝關注組》擔任最後一集嘉賓，佢post出自己嘅假髮照，留言：「最後一集《代溝關注組》帶咗中學時代嘅老公上去陪我一齊傾偈。好開心可以參與到幾集嘅討論，我哋成日以為前輩好嚴肅好古板，佢哋又以為我哋好求其成日玩玩吓。唔傾真係唔知大家諗法其實原來咁似，而互相之間又可以學到野（嘢）。希望大家睇得開心之餘，都會影響到你哋，多啲用心用時間同身邊嘅長輩傾吓偈啦。」佢都自嘲自己頂上嘅埃及妖后髮型唔係人人carry到，話影相都要三七面又雙手托下巴先得；張秀文更加要一邊忍笑，一邊幫佢影相，睇嚟呢個假髮都係救唔到佢嘅顏值。

呢個post一出都有唔少網民留言話佢似無綫電視首席創意官（創意總監）王祖藍：「我心諗點解王祖藍又扮女人，原來係你」、「嘩！呢位師兄你做乜男扮女裝」、「仲以為係王祖藍」等等。 不過雖然Kaman畀人話似男扮女，但一啲都冇嬲，仲好大方話好多人都咁覺得，又畀咗一個令人起雞皮嘅肉麻反應：「你唔係第一個咁講，勁多人咁講。我都想似佢（王祖藍）咁聰明咁多計。」不過都係，祖藍扮女人都幾靚同幾真，似祖藍都唔係壞事吖！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】