2003年港姐季軍｜戚黛黛素顏上鏡拍片教減肥 生酮飲食法2個月減20磅

2003年香港小姐季軍戚黛黛在2016年與機師男友Calvin結婚，婚後專心做人妻，早前兩夫妻慶祝結婚5周年，相當恩愛。戚黛黛淡出幕前多年，早前開了網上頻道分享自己的減肥心得及教大家如何食得開心又健康。

{{hket:inline-image name="doi6.png"}}{{/hket:inline-image}}

同場加映：練美娟後悔經常節目中飲醉 自責應該要懂得拿捏分寸

{{hket:ul-video id="4207"}}{{/hket:ul-video}}

戚黛黛透露自己用了兩個月時間減去20磅，主要利用生酮飲食法同埋168斷食法去減磅。她說：「減肥冇嘢食係好慘，唔可以容許呢件事發生。睇到生酮飲食，見到好多嘢可以食；我自己好鍾意食嘢，唔可以餓住，如果唔係真係會抑鬱！」她又發掘了不同食譜，包括中餐、西餐、曲奇餅、沙律等，既豐富又飽肚，每餐更可低至30元以下，「平過出街食！」

{{hket:inline-image name="doi7.png"}}{{/hket:inline-image}}

戚黛黛以素顏上陣，拍了數條影片教煮生酮飲食餐，如菠菜沙律拌乳酪醬、蒜蓉牛油檸檬雞塊、茄子千層麵、煙肉彩椒芝士奄列配沙律、咖喱雞配椰菜花飯等，睇到都覺得好豐富。

由於影片是在較早前拍的，在片中可見戚黛黛身形都比較脹；而從近日她IG的相中可見，戚黛黛已回復窈窕身形，看來她的減肥方法亦相當有效及成功。她說：「之前肥嘅時候未出街已經成身汗；而家減咗磅，成個人都輕盈晒。」

【2003年港姐三甲】曹敏莉戚黛黛為楊洛婷慶生 相識17年相繼結婚做幸福人妻 【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】