何雁詩鄭俊弘美國迪士尼度蜜月 濕紙巾消毒遊樂設施遭白眼

何雁詩同老公鄭俊弘舊年拉埋天窗，二人一向人前人後都非常恩愛，早前何雁詩仲做跟得老婆陪鄭俊弘去美國登台，更帶老公到佢成長嘅地方玩兼度蜜月，羨慕死唔少人呀！佢哋日前已返港並正接受隔離，何雁詩喺自己嘅社交平台分享今次嘅難忘旅程，雖然當中有少少不愉快，但都話今次旅程實現咗佢哋兩個嘅夢想！

{{hket:inline-image name="241810154_586313902410348_6714085512386556086_n.jpg"}}{{/hket:inline-image}}

何雁詩同鄭俊弘連日嚟玩轉美國，去動物園、campervan、又打Golf……經常放閃嘅佢哋更於賭城拉斯維加斯簽字「再結婚」，並於「Little Las Vegas Chapel」燈牌前咀嘴留影。何雁詩「再嫁」係因為希望好姊妹、高爾夫球港隊好友陳芷澄能夠見證，真係雙重Sweet！不過呢啲都唔係最重要，成個Trip佢最滿意嘅係同老公去迪士尼樂園！

何雁詩Post同老公嘅合照，留言：「這次旅行最美好的回憶是終於在迪士尼世界實現了我們的蜜月夢想。我很高興我的丈夫和我一樣熱愛迪士尼，每當我們踏入迪士尼時，我們的眼睛就會亮起來，從那時起一切都很美好。我想這與我們的成長經歷有很大關係，我們是看迪士尼長大的；我愛迪士尼的主題曲，迪士尼是一個充滿夢想的地方，我覺得很幸運能和我丈夫一起進入迪士尼世界。更重要的是在旅途中保持安全，因此我們採取了額外的預防措施，在使用所有遊樂設施前用濕紙巾消毒，雖然我會這樣做遭人白眼，但我很高興我們沒有感染新冠病毒，這才是最重要的。 」

唔少網民都撐何雁詩一定要做足防疫措施，只要消毒嘅時候只要冇影響到其他人就可以，認為佢今次被人「白眼」認真無辜！

圖片來源：INSTAGRAM

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】