媽媽的無奈｜2歲特殊兒出街陷恐懼尖叫打自己 港媽以電子奶嘴安撫餵食被說教

用手機或平板電腦等「電子奶嘴」來安撫孩子，一直被指會造成損害孩子視力等健康問題。一名港媽深知電子奶嘴的壞處，卻因2歲兒子為特殊兒童，出街時會恐懼尖叫及打自己，經與治療師商量後，只好以電子奶嘴安撫兒子並餵食，未料卻換來其他食客的不屑目光及說教。

同場加映：

減肥瘦身｜4個動作打造完美腹肌助減肥 靚女教練：做15分鐘=抹地1小時

{{hket:ul-video id="4160"}}{{/hket:ul-video}}

Facebook專頁「生仔要考牌系列」周三（15日）刊登一則投稿，事主為一名全職媽媽，育有一名被確診為特殊兒童的2歲兒子。她表示深明電子奶嘴的壞處，因此初初帶兒子外出時，亦只會帶玩具及書。然而兒子歲半時被確診為特殊兒童，每星期都需由新界北的家出發至位於九龍的治療中心2至3次，

「我小朋友喺搭車時同入餐廳都有同一個情況——會尖叫同打自己。佢尖叫係因為驚，驚到失控。其實我都唔明佢點解會驚，有時係驚啲聲，有時係驚啲光，有時見車門閂而驚，有時亦可以因為睇唔到車門而驚。」

由於每當兒子在車廂內尖叫，或意識到他即將失控，為免影響其他乘客，事主都會先帶小朋友落車冷靜一下，離開令他恐懼的環境，令車程延長，因此事主帶兒子出門時，往往會要預早幾倍時間出門，「我係全職媽咪，所以有咁嘅時間，不過同時又衍生咗另一個問題，就係我哋趕唔切返屋企食飯。」

事主疫情前會買外賣到附近公園食，惟疫情爆發後公園關閉，只好再次嘗試帶兒子到餐廳用膳。偶然間，她發現電子奶嘴可轉移兒子的注意力，「能夠令佢投入咗去一個佢覺得安全嘅世界」，因此她懷著矛盾的心情，與治療師商量後，決定用電子奶嘴安撫兒子，

「權衡好處係除咗唔使餓半日之外，仲藉此讓小朋友適應喺餐廳進食。長遠目標就係由依靠電子奶嘴，到等佢自己明白無嘢會傷害到佢為止。」

她表示，由於兒子偏高，望落似3至4歲，當他一邊望住電子奶嘴、一邊由事主餵食時，卻被其他食客以異樣目光看待，

「佢當時嘅小肌肉仍有待改善……有時，隔籬枱食客係會投以不屑嘅目光，好彩小朋友根本唔會知；亦有時，好心嘅旁人會提醒『你唔應該咁做』。」

由於對方出於好意，事主會解釋背後原因。有時對方會明白、嘆息，與事主互相加油；但有時事主卻被對方說教，「對方覺得所謂特殊情況只係縱容嘅藉口，分享自己嘅經驗，然後我笑笑，專注返去餵囝囝。」

最後她表示，相信大部分家長都會衡量如何好好照顧子女，希望大家不用太執著旁人照顧子女的方法。她指出自己可能是個別例子，「並唔係每個用電子奶嘴嘅情況都有特別原因，更可能只係家長單純唔想煩而已。家長唔想喺呢方面煩，可能因為佢本身已經有好多苦惱，不勝負荷，所以寧願舒舒服服食餐飯去緩和自己嘅情緒。再者，唔係每位家長都唔介意透露自己小朋友嘅狀況，相信就算透露咗都未必得到理解。」

網民齊撐：局外人唔好扮育兒專家

此事引來網民熱議，不少人紛紛為事主加油，著她不用理會旁人說三道四：

 （↓點擊圖片放大↓）

文章獲「生仔要考牌系列」授權轉載。

為母則強｜賣自製餅乾養2智障兒疫下少訂單 堅強單親媽：孩子笑容是最大安慰，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

責任編輯：李凱晴