《流行都市》台柱「大王」安德尊近日跟宋芝齡傳出緋聞，兩人被傳媒拍到在街上頭貼頭、撓手等動靜狀甚親密，事後雖然宋芝齡已經解釋兩人只是兄妹感情，不過無綫娛樂新聞台特別派出主播許文軒（Edmond）到《流行都市》探班，希望兩位事主親自為緋聞解畫。沒想到大王全程都拒絕正面回應，不斷發惡講：「關你咩事？」、「做咩要問我？」、「我做咩要回應你？」、「你理得我哋吖！」令Edmond相當為難。
同場加映：姜濤今晨出席活動 疑體力不支突然暈倒
{{hket:ul-video id="4151"}}{{/hket:ul-video}}
安德尊宋芝齡日久生情踢走正印? 幕前鬥氣幕後撓手頭貼頭糖黐豆【下一頁】
大王和宋芝齡一齊接受訪問，宋芝齡平心靜氣親自講解當日只是出外景，期間想買炸雞與一眾工作人員分享，才會被拍到，至於撓手的動作平日都不時會做，只是「童真」。她開玩笑說：「估唔到你咁出名，你好奀星之嘛，憑咩有咁大版？」身旁的大王反而煞有介事，不斷發炮反擊Edmond：「做乜要回應你？你叫咩名？做乜戴住口罩同我哋傾偈？親密？我哋係親密呀，識咗咁多年有咩問題，撓一次嚟睇吓！」
期間，宋芝齡撓手之餘，將她的頭直接挨落大王的膊頭上面，背後就大大力拍打大王的背脊，發出「啪啪」聲的巨響，但大王並沒有生氣，反而露出微笑。Edmond形容他們看上去似「歡喜冤家」，沒想到卻換來大王再次說：「你理得我哋吖？」宋芝齡多次阻止大王發言，又罵他說話大聲，甚至直接一巴掌落大王的嘴，她說：「佢耳仔有少少紅，唔知係咪被邊個扭完？」沒想到大王隨後繼續鬧Edmond「關你咩事？」，Edmond稱不是由他問，只是宋芝齡講，大王繼續說：「但你望實我喎！」
一起走過│安德尊Keep住條盲腸足足29年 被問「慾海肥花」戀情竟然咁答？【下一頁】
大約11分鐘的足本訪問中，大王最少講六次「關你咩事？」，同兩次「你理得我吖！」，已經盡力問問題的Edmond大感無奈，完成訪問後，Edmond邀請再做國語訪問，大王立即拒絕：「廣東話唔得，國語好亂，唔問喇唔問喇！」後來Edmond打算完結訪問，但大王又要求他多問五條，Edmond問完但大王不容許宋芝齡回答，大王斥Edmond準備不足，但自己卻聽完幾個問題都不肯正面回應，大王只解釋說：「我淨係需要你提出問題，冇話要答你問題！」
網友睇到足本版訪問反應兩極，有網友見到大王同宋芝齡的互動，指兩人感情很好，十足「歡喜冤家」耍花槍。不過，亦有網友斥大王沒有尊重主播Edmond，「安德尊身為主持人，自以為是的幽默感(咄咄逼人)有點過了，吃不消。」、「真係難為咗呢個訪問者」、「宋芝齡回答大方得體，安德尊扮大派，慳啲啦！」、「大家同事做訪問,安德尊真的沒品」、「安德尊，好無禮貌！我覺得佢好insulting（侮辱）人」、「人哋打工做訪問, 安德尊好寸咀」、「頂~恰主持人!」、「個主播好高EQ！」等等。
訪問足本版：
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉