張學友遭導演劉翁指「賣弄技巧」 被熱烈討論引發「世代之爭」

日前無綫《2021香港小姐競選決賽》有歌神張學友擔任表演嘉賓，學友相隔20年再踏港姐舞台，有網民聲稱為睇學友先睇港姐。張學友於管弦樂隊伴奏下唱出3首自己嘅名曲，包括《春風秋雨》、《李香蘭》、《愛是永恆》，之後又與Gin Lee合唱，而佳麗就着上高衩晚裝伴舞，整個表演非常搶眼。

同場加映： 【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

無綫公布收視，港姐決賽電視直播平均收視點為24.5，並補充跨平台收視為26.1點，而最高嘅27.4點（觀眾人數約180萬）正係張學友嘅表演時段。觀眾期待學友表演，但導演劉翁在社交平台稱學友過分賣弄歌唱技巧好難頂；不過未知劉翁係咪因為輿論壓力，好快就將帖文刪除。

{{hket:inline-image name="9.JPG"}}{{/hket:inline-image}}

雖然帖文已經刪除，但就已經被網民截圖放咗上討論區，事件仍繼續不斷發酵，更引發「世代之爭」。有年輕網民認同劉翁講法，認為學友唱法過時：「其實有咩問題，而家個年代係興MIRROR同ERROR嗰種唱法，覺得張學友、林子祥呢類唱腔outdated好正常。」

都有唔少識貨朋友力撐學友對音樂好有熱誠：「佢不嬲搞好多嘢，剩係每首歌嘅尾音嘅處理手法都唔同，又破音又鼻音又拿手震音同真假音。佢對後生嚟講真係有啲過時，但對識音樂嘅人嚟講仲係好有份量，講緊識音樂係本身做音樂嗰行。同埋佢之後走去搵鬼佬玩，玩jazz又玩英文歌，應該係嫌香港嗰啲情歌太悶。」

不過就有網民話「打和」，只係學友而家嘅唱法同以前唔同咗，而大家聽開以前嘅學友，所以有可能會聽唔慣：「學友而家轉咗玩雪狼湖歌劇唱腔，好多歌都重新編曲加咗jazz/rock style，聽開ballad（民謠）演繹方法嘅可能聽唔慣……本身音樂就好難有一個標準，你話佢係曲高和寡又好，都係個人觀感。」都有網民表示覺得好唏噓，呼籲大家多啲欣賞，如果唔係香港好嘅藝術作品只會買少見少：「開始明白點解啲上咗年紀嘅明星歌星要返內地，一上咗年紀只會畀香港人批評老套，返中國反而會畀人叫前輩，當貴賓招待。」

{{hket:youtube id="GMDd9EV4dFI"}}{{/hket:youtube}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】