優良基因︱麥明詩兄長進修考獲專科文憑 半工讀8年由公院轉戰整形外科

十優港姐麥明詩幾乎係近年最具話題性嘅港姐冠軍，除咗佢嘅美貌，當然仲有佢優秀到驚人嘅學歷，會考十優狀元、劍橋大學法律高材生。麥明詩除咗靠後天努力，似乎仲係靠先天基因良好，呢一點就憑同佢一樣咁出色嘅爸爸、 媽媽同哥哥可以引證到。

同場加映：【娛樂直擊】周嘉洛侷住著泳褲魚網裝找數 劇接劇《愛回家》未有歸期

{{hket:ul-video id="4150"}}{{/hket:ul-video}}

大麥明詩三歲嘅哥哥麥明山，都喺自己嘅範疇有相當成就。麥明山2013年在香港中文大學醫學院畢業，於公立醫院救急扶危，日前佢「更上一層樓」考到專科資格，麥爸爸非常自豪咁喺社交平台同大家分享消息：「2013年你（麥明山）醫科畢業，進了公營醫院工作。這八年間，除了應付繁重的日常工作，還要進修及考試。今日，你終於考獲專科文憑，成為整形外科專科醫生。前面還有很多挑戰，努力加油，向下一個目標進發！#Congratulations from the bottom of our heart.（打從心底為你高興）」

至於一家之主麥明詩爸爸麥卓生係退休中學副校長，麥爸爸曾於葵涌的聖公會林護紀念中學工作，係區內一所著名嘅英文中學。退休後麥爸爸仍繼續春風化雨，開設補習社作育英才，有心有力退而不休。而麥媽媽係社會福利署中央輔導醫療科職業治療師，佢更擁有澳洲墨爾本大學教育碩士、澳洲蒙納殊大學資優教育大學後文憑、澳洲新南威爾士大學衛生行政碩士、香港理工大學職業治療專業文憑等。麥媽媽照顧兒童經驗十足，加上佢培養出一雙傑出嘅子女，令佢有足夠份量成為「育兒界KOL」。麥媽媽曾出書《我的女兒麥明詩－一張白紙到10優的培育經歷》，講出佢對於子女教育嘅心得。

麥明詩一家都係人生勝利組，除咗「贏在起跑線」嘅基因，麥媽媽指自己喺蘇屋邨長大，麥爸爸小時候亦居於唐樓閣仔，都唔係富裕之家，都係喺唔太多資源下靠後天努力，力爭上游。

圖片來源：INSTAGRAM