林漪娸入行41年超凍齡冇變樣 冇美女包袱演醜角做「處境劇女王」

現年61歲嘅林漪娸，自40年前就因參加《1980年度香港小姐競選》獲得第四名而加入無綫，同時期的港姐藝人還有1979年的鍾楚紅（第四名）、1982年的鄺美雲（亞軍）和1983年的張曼玉（亞軍）等，事有湊巧都係美人，都係保養得宜嘅美魔女。

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」

{{hket:ul-video id="4121"}}{{/hket:ul-video}}

{{hket:inline-image name="e01a6946b4e98fabcc3f07a235bcdc11.jpg"}}{{/hket:inline-image}}

漪娸姐星途順遂，一入行已經參與劇集《衝擊》及《千王群英會》嘅拍攝，同當時的紅星，任達華、呂良偉、周潤發、汪明荃等合作，1982年參演第三齣劇《荊途》時更是與任達華演情侶，獻出熒幕初吻。不經不覺漪娸姐已經入行41年，多年落嚟都有唔少令人印象深刻嘅佳作，例如《絕代雙驕》、《我愛牙擦蘇》、《刑事偵緝檔案》、《壹號皇庭》和《妙手仁心》等。

漪娸姐同時係TVB參演過最多處境劇嘅女演員，參演過嘅處境喜劇更包括《我愛玫瑰園》、《開心華之里》、《真情》、《誰家灶頭無煙火》；《皆大歡喜》古裝版中傻更更的雲影姬以及時裝版「愛因斯坦」，另外除了《愛·回家 》第一、二輯也曾客串《愛·回家之開心速遞》演朗拿度夫人，從影以來佢都冇「美女包袱」，演盡滑稽、蠢鈍同剩女等角色，非常專業。

現實生活中嘅漪娸姐感情世界簡單，與退休高級警司丈夫譚德榮結婚20年，兩人有共識婚後不生兒育女。漪娸姐曾講過同丈夫個性格南轅北轍，自己比較率直，「有嗰句講嗰句」，會對着老公講「I Love You」，而丈夫為人則較沉實、認真，不輕易表達情緒。唔知係咪有愛情滋潤嘅關係，林漪娸咁多年嚟都冇乜點變樣，日前出席美容品牌活動時容光煥發，皮膚狀態睇落比起實際年齡最少細廿歲，不愧為凍齡女王！