陳婉衡新相現歐美厚唇似「佛印」 曾脹爆130磅健身變索惹整容疑雲

無綫「咪神」陳婉衡（Alycia）不時會喺社交平台派福利，分享自己嘅性感靚相益粉絲，日前Alycia喺佢IG嘅限時動態分享咗一條短片，Alycia竟然面目全非，變咗標準「歐美」樣，下巴仔拮死人之餘，兩片嘴唇仲厚到好似《大內密探零零發》「佛印」，惹變臉疑雲！

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」 

{{hket:ul-video id="4121"}}{{/hket:ul-video}}

{{hket:inline-image name="207229458_1290479274719991_8939347879293918543_n.jpg"}}{{/hket:inline-image}}

不過其實陳婉衡只係玩變面App，並唔係真係做咗「手腳」，真係幾可亂真！其實陳婉衡入行後都傳過佢整容，事關佢曾經被翻出舊照，同而家好似係兩個人咁！Alycia高中時期體重超過130磅，完全唔做運動，係個周身肉嘅肥妹仔。Alycia盲目節食減肥，結果健康差咗好多而且體重好易反彈，自從開始健身並配合健康飲食後，佢皮膚光滑不少，並練成馬甲線和蜜桃臀，展現S曲線，成個人簡直係脫胎換骨。 

Alycia曾經喺IG上載自己十年前後的對比照，自爆以前從不運動，完全冇諗過自己做藝人之餘多咗一個健身教練嘅身分。佢自青春期開始一直發脹，零運動，上體育堂一定跑包尾，受朋輩影響16歲就開始節食減肥，曾服用減肥藥、排毒藥物，斷斷續續減肥約四年卻換來反效果，體重反彈之餘成個人都腫。Alycia而家呢副身材得來不易，早年苦學鋼管舞，近年就健身同做瑜伽。現時佢每星期有三、四天去健身，會花一、兩天訓練手臂同背部肌肉，另外有一、兩天訓練腳部同臀部肌肉，每次健身約2小時，先成就到佢今日人人稱羡嘅女神身型。