思家大戰│陳煒獲台前幕後票選「萬歲王」 「大家咁辛苦 食好嘢一齊開心吓」

綜藝節目《思家大戰》上星期播出，由林盛斌（Bob）一家大戰朱凱婷為首的飛機師組合，在其中一條問題上，兩組人鬥數主持人李思捷惹人討厭的原因，遊戲的氣氛不錯，成為觀眾討論的話題。TVB特別在Facebook專頁舉辦觀眾競猜遊戲，題目係：「問咗100位TVB台前幕後同事，得出4個最多人答嘅答案。講一個TVB成日萬歲嘅藝員。」遊戲開始兩日，不少觀眾留言估答案，有網友問陳豪炮製咖啡算唔算；最終TVB公布答案，票數最高的是陳煒，原來她就是TVB的「萬歲王」。

李思捷乞人憎朱凱婷「踢爆」衰鹹濕 林盛斌父母罕有出鏡玩《思家大戰》【下一頁】

{{hket:inline-image name="02.JPG"}}{{/hket:inline-image}}

{{hket:inline-image name="04.JPG"}}{{/hket:inline-image}}

{{hket:inline-image name="03.JPG"}}{{/hket:inline-image}}

{{hket:inline-image name="236600086_10159399005263449_4428093299072368465_n.jpg"}}{{/hket:inline-image}}

{{hket:inline-image name="238589400_10159431466888449_5435432495273897361_n.jpg"}}{{/hket:inline-image}}

網友們紛紛在TVB Facebook專頁留言：「原來係煒哥，勁呀」、「原來係煒哥萬歲！都知煒哥愛下廚，但真係估佢唔到呀」、「哈哈哈，真係估唔到！煒哥萬歲！」等等。現時正忙於為新劇《雙生陌生人》開工的陳煒接受《晴報》電話訪問，她表示：「我冇諗過會有呢種投票，平時的確係會萬歲嘅，見到台前幕後工作人員咁辛苦，由朝拍到晚難免會攰，我知道邊度有好嘢食，咪買番嚟同大家分享囉！」笑言食物的種類很多，薄餅、炸雞不時都會有，夏天多數食雪糕，飲珍珠奶茶，深夜食甜品或者中式點心，「之前聽聞一間深水埗嘅烘焙店嘅芝士撻好出名，我就搵助手去買番嚟畀大家試，大家食得開心，我就好開心！」

煒哥稱一心想大家高興，沒想到成為「萬歲王」，問到她心目中的「萬歲王」是誰？她說：「我心目中有兩位，一位係苑仔苑瓊丹，同佢合作拍《火線下的江湖大佬》，佢都成日萬歲，每一次我同佢都要用盡方法諗吓大家鍾意食乜嘢。至於另一位係Helen姐馬凱倫，佢唔止畀錢買嘢萬歲，仲親自煮埋嘢食畀大家，既健康又補身，成日一大煲湯分畀大家飲！有次佢試過拎兩大桶魚蛋粉喺13廠門口，大家一人拎住自己個碗就去裝嚟食，好好味呀！」

PetPet星︳陳煒由愛名種貓變養流浪貓咪 Charlie陪睇劇本 Winnie最大食【下一頁】

據知陳煒參與拍攝每一齣劇集都會萬歲請客，基本上每星期最少一次，與眾工作人員分甘同味，計計數，每一場戲幕前演員連同幕後工作人員至少30人，光是簡單的珍珠奶茶，要萬歲分分鐘花費過千元，更何況大時大節的大食會，相信花費絕對不是小數目。

煒哥近日為《雙生陌生人》拍攝外景，穿上潛水裝露長腿示人，雖然很多潛水鏡頭都是由何泳芍擔任替身，但煒哥亦有親身演出不少浸住水的場面，非常敬業樂業。

同場加映：【娛樂直擊】陳凱琳帶埋龍鳳胎細佬孖住搵錢 大讚Derek幽默啱做幕前

{{hket:ul-video id="4062"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉