【打工仔共鳴】收同事散水餅的經歷分享  網民：有人派過年收嘅藍罐曲奇

天下無不散之筵席，有人離職乃職場常事。過去很多香港打工仔離職時，都會向同事送上「散水餅」，好聚好散，感激過去的照顧。近日，就有網民在網上發文表示，只要觀察同事送甚麼「散水餅」就可以知道他離開開心與否，引起網民熱議。

該名網民在「奴工處」投稿表示「睇個同事派咩散水餅，就知佢因為開心走定唔開心走。」其他網民就爭相分享自己收派「散水餅」的經歷。對於自己派「散水餅」的學問，有人就表示「上兩次走我都無派過散水餅，只係約工作上真係熟嗰幾個出去食餐飯。」「派雜餅啦，何止派到成個部門呀，派埋畀隔離公司都仲得呀！」「我係用嗰啲免費餅卡換餅返去畀人食，當做場法事就算，一切從簡。」

另外也有網民表示他同事非常不快，「試過同事走得一罐藍罐曲奇，一睇就知係過年收返嚟，佢一定好唔開心。」「收過杯麵，外加一句：希望你哋襟擺啲。」還有網民表示不會跟隨此文化，「開心定唔開心都好，我都唔想畀錢買散水餅喎!」「有啲同事稱唔上係朋友，甚至講得上係敵人，人都走，仲使乜畀面佢。」

編輯：簡陶

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/