49歲李亞鵬啜15歲女李嫣大髀 睇到網民眼都突老竇仲要咁回應

現年49歲嘅王菲前夫李亞鵬近日喺社交平台非常活躍，錫到阿女李嫣燶嘅佢同大家分享父女相處日常，不過就被質疑係因為佢人氣下滑，先要借李嫣過橋拍片增加可觀性。日前父女互動玩直播，但李亞鵬嘅一舉一動又再引起網民極大迴響！

{{hket:inline-image name="5845764.jpg"}}{{/hket:inline-image}}

直播中，15歲嘅李嫣着住短褲坐喺梳化上，而李亞鵬即時走向女兒身邊，當時李嫣掩住嘴嘴笑着。然後李亞鵬表示有事同佢商量，兩父女即笑到眼都瞇埋。然後李亞鵬烏低身，額頭伏喺女兒大髀上，接着指自己而家每星期「要發3條短片，壓力好大」，問李嫣可唔可以贊助佢拍幾條片云云……李嫣繼續傻笑，李亞鵬用手搭着阿女大髀，並用廣東話問：「得唔得呀？」然後二話不說錫其大髀；眼前15歲嘅李嫣就好似5歲小女生咁，對爸爸嘅「進攻」都係不為所動，李亞鵬就話：「不說話就是同意了！」

對於李亞鵬錫李嫣大髀嘅舉動，網民都表示覺得「不該」，指佢雖然係爸爸，但李嫣已經15歲，係一個亭亭玉立嘅少女，咁樣錫佢嘅大髀實在係唔合適，甚至感覺嘔心！但李亞鵬一於少理，仲選擇性不回覆留言，「針對爸爸而言，女兒的腳趾全是香的，臭鹹淡香的！」睇到大家眼都凸！

圖片來源：微博

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}