陳靜與翻版李敏鎬街頭「友情hug」 宣稱專注事業晒名牌袋堆積如山

陳靜（DaDa）與合作逾10年的經理人施念慈續約3年、並跟古天樂簽下3年電影合約。「有前科」嘅DaDa一個月前矢言實行「3不」政策：不結婚、不拍拖、不生仔，集中火力在影壇搏殺，並進駐西九龍一間千萬的風水屋以求事業暢旺，不過日前DaDa就被影到同一名外型同韓國男神李敏鎬非常相似嘅高大西裝男公然抱抱兼摸對方pat pat。

{{hket:inline-image name="209217417_330289508683659_4362074921107409009_n.jpg"}}{{/hket:inline-image}}

但DaDa否認同「西裝李敏鎬」拍拖，話如對方係做運動時認識，關係只係朋友，又話自己不斷上堂做運動，都係為嚟緊部戲做最好準備，冇心思走去拍拖，一切係平常心。至於點解會攬攬，佢就解釋只係禮儀，大家臨走時goodbye hug。佢堅稱自己冇摸對方pat pat，只係咁啱講開做瑜珈動作時，講開腰位，所以先有呢個動作。對於「西裝李敏鎬」的背景，DaDa話始終對方是圈外人，應尊重對方私隱，故未有透露。

在2008年出道後，DaDa曾以「𡃁模」身份推出過性感寫真集，2013年憑電影《低俗喜劇》中「爆炸糖」一角贏得金像獎最佳女配角獎彈起，星途一片光明，但隨後卻因情緒問題為由突然宣布退出幕前，缺席活動兼拒拍電影，牽連甚大，就連經理人施念慈都聯絡唔到佢。當時有傳DaDa如此「大無畏」，皆因她有一位富商做後台，可放膽引退。已故《喜愛夜蒲3》導演錢國偉接受訪問時大鬧佢浪費晒資源，又指DaDa稱病又幫第二套戲開工，莫名其妙！最後DaDa稱因患上耳水不平衡而休息一年。

獲經理人施念慈「不計前嫌」繼續力捧，DaDa亦乖乖為事業衝刺。早前DaDa喺社交平台大曬屋企嘅特大衣帽間同浴室布置，相中可見其超大的衣帽間似足名店陳列專櫃，大量名牌手袋堆積如山，似乎依家嘅DaDa根本唔憂做，可以更放膽去追佢演藝夢！