陸應康移居加國多年熱心公益 與「日本仔」拍住上做御用香港警察

70至90年代活躍影視界嘅「陸叔」陸應康，出道前曾任警察，1976年加入演藝圈，屢次接拍擔任巡警PC仔角色嘅電影，不過好多時都只係一兩場戲，甚至只係過鏡形式。陸應康在80年代中期加入TVB，繼續發揮綠葉嘅作用，不過除咗警察，仲會演商人、掌櫃等角色，角色變得較多元化。

{{hket:inline-image name="250-340-7cf72dc6.jpg"}}{{/hket:inline-image}}

陸應康同「日本仔」田自義喺影圈嘅活躍年代相同，二人都安於「綠葉」身分發光發亮。有指兩人曾合作搞幕後公司，介紹輔警當演員，但因雙雙移民加拿大而結束公司。亦有傳二人1995年移民加拿大後再一齊經營快餐店，真正喺幕前幕後都係最佳拍檔。

雖然二人好多時演出嘅角色連名都冇，但當年他們幾乎「無處不在」，唔計電視劇陸應康有記錄演出近百部電影，而日本仔更達一百三十部，喺觀眾腦海留下深刻印象。陸應康都有加入「加拿大息影藝人同傳媒人協會」，上年仲為慈善組織搞嘅捐款活動拍片作出呼籲。片中嘅陸叔同後生時嘅分別都不大，仲好好中氣呀！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】