《披荊斬棘的哥哥》｜黃貫中與張晉「兩老襟」互當透明 「同鄉」分房時被孤立做「獨家村」

內地真人騷《乘風破浪的姐姐》連開兩季均大受歡迎，更火速推出「男版浪姐」《披荊斬棘的哥哥》，雲集中港台「男神」成為全城熱話。《乘風破浪的姐姐》集合多位當紅女星，亦甚少傳不和，相反今次換上全男班，喺播出一星期就已經鬧出是非！

{{hket:inline-image name="008iLF9Hgy1gttysxcf5kj66ke4dmnpk02.jpg"}}{{/hket:inline-image}}

早前香港代表張智霖（Chilam）、陳小春、謝天華、林曉峰、梁漢文及黃貫中等「同鄉」於比賽中聚頭，幕後花絮片中各位「哥哥」揀房間時，率先揀房的黃貫中入住別墅偏左邊的一間4人房，之後「古惑仔」陳小春、謝天華及林曉峰則一齊選擇別墅較右邊房間，而歌手歐陽靖（MC Jin）亦跟「古惑仔」同房，鄰房則是Chilam與梁漢文同住，黃貫中頓時被「孤立」。

{{hket:inline-image name="008iLF9Hgy1gttytfj04wj66ke4dmu1302.jpg"}}{{/hket:inline-image}}

台灣男神言承旭曾在黃貫中演出《不再猶豫》時當眾「示愛」，主動向對方請教樂理及彈結他心得，譜出師徒情誼，但揀房環節時，言承旭未有與「師傅」同房，反而選擇冇鼻鼾嘅梁漢文做室友！被「遺下」嘅黃貫中最後同李銖銜、瑞奇、尹正交情較淺嘅「哥哥」共處一室。

日前Paul同佢嘅「老襟」張晉都互當透明，非常奇怪！眾所周知Paul老婆朱茵同張晉老婆蔡少芬（Ada）情同親生姊妹，已兩姊妹嘅老公都不時有交流，關係唔錯！不過，節目中二人唔知因乜時好似面阻阻咁，有次張晉到達現場，其他哥哥都有企起迎接佢，反觀Paul絲毫不動，甚至冇望向張晉。另一場面，兩人初次舞台表演結束後都冇對話，同場都各有各講！

到組隊時，陳小春同謝天華組咗個5人隊，尚差3個人，陳小春問眼前嘅Paul：「大哥，你考慮得怎麼樣？」雖然Paul猶豫咗一陣，問出一句：「你那裏還有甚麼人？」似乎Paul心入面係有人佢唔想合作嘅人！最後Paul並冇入「大灣區5人組」；而張晉先被人放飛機，之後路過Paul身邊二人連眼神交流都冇，只係嗌一句：「誰選我，我沒去路了！」唔知仲以為佢兩個係陌生人！

其實兩人以前不時喺網上互動，Paul會主動祝張晉生日快樂，兩對夫婦不時喺聚會碰頭，如今卻恍似互不相識，關係微妙！

圖片來源：微博

同場加映： 劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}