呻星二代路難行｜陳宇琛難敵無綫山頭文化失角色 月薪僅$8000過檔港視薪酬升4倍

石修兒子陳宇琛日前42歲生日，跟爸爸媽媽及老婆林佑蔚（Camille）開心慶祝，除了在IG分享一家四口全家福外，更趁入行第18年這個大日子，分享身為「星二代」的辛酸。他大爆當年在無綫遭受山頭文化打擊，失去原有屬於自己的角色，被降格做初入行、毫不起眼的節目，而當時只得8千元人工的他，不單止事業跌至低谷，拍拖7年的女友更要取消婚禮，令他感到極度沮喪。

{{hket:inline-image name="sam_chan_yu_sum_240505257_1227065064479204_4210765114894568848_n.jpg"}}{{/hket:inline-image}}

{{hket:inline-image name="itscamilleadeline_239928595_119035560473841_5360064960150469704_n.jpg"}}{{/hket:inline-image}}

汪明荃用招牌汪阿Tag加持後輩 隔空向石修大讚陳宇琛大個仔【下一頁】

陳宇琛是圈中型佬石修的獨子，2003年以星二代身分入行，首套參與的劇集是《當四葉草碰上劍尖時》，戲中跟黎諾懿、李逸朗及李雨陽同是劍擊部隊員，成為一時話題；之後參與過《妙手仁心III》、《通天幹探》、《烈火雄心III》及《飛虎》等劇集，可是人氣始終一般。至2014年離巢轉投港視（HKTV），拍過《導火新聞線》及《三面形醫》等，但港視後來不獲續牌減產，一度令陳宇琛演藝事業停滯下來；直至2020年接演ViuTV《男排女將》，飾演對「家瑜」鄧麗欣一往情深的「黃金Sir」，令外界對他再次關注起來。

香港愛情故事X男排女將｜陳宇琛演黃金Sir褪軚唔敢示愛 同爸爸石修「打對台」：熒幕冇父子！【下一頁】

對於事業的起起跌跌，入行第18年的陳宇琛今早在IG大爆多年經歷，稱當年以「星二代」身分入行，很多人以為是一條捷徑，實際上卻是好艱難的路，感覺好似被人一直批判；加上外間對他存有好大期望，令他非常有壓力，「喺TVB頭5年都好充實有好多得益，參與過各種各樣嘅製作，我自己都非常投入，因為知道機會難求。《四葉草》確實係一個美好嘅回憶……不過喺大台工作第5年之後，就發生人事大變動。山頭文化嘅現實，突然間令我失去咗好多應該有份參與嘅劇集演出，幕前工作180度轉變，畀人安排做番一啲啱啱入行嘅嘢、完全唔起眼嘅節目。當時感覺好難受，好似畀人betray（出賣），對公司好信任亦付出咗咁多，拍劇捱到體力透支，身體受傷都好似白費晒。因為好鍾意做戲，以為仲有一絲希望，都想堅持落去。」

（↓點擊放大睇圖片↓）

他又爆當年人工只得8千元，月尾試過銀行戶口只得1、2百元，幸好出面有工作幫補生計，可是就迎來人生的最谷底，「大概嗰段時間，拍咗拖7年嘅未婚妻同我講要call off（取消）婚禮，感情同事業都失敗令我跌咗入一個好dark & depressed（黑暗及沮喪）嘅位……到我喺TVB第10年，2014年有一間籌備中嘅電視台（HKTV）搵我過檔，offer（給予）我四倍嘅人工，我考慮咗好短時間就應承咗。」其實陳宇琛過檔港視後事業有新曙光外，亦認識到現時太太林佑蔚（Camille），2年後求婚成功，並於2017年在蘇格蘭舉行古堡婚禮；而他表明故事未完結，會再繼續跟大家分享。

撰文：梁榮達

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】