整容VS純天然｜被發現曾割雙眼皮 男友翻睇舊相後嬲爆走人 港女委屈：做咩咁大反應？

「愛美之心」人皆有之。近日有港女於網上發帖指，她在數年前接受割雙眼皮手術，當時她仍未與現任男友拍拖。直至近日，對方翻看其中學時期的照片後，得悉事主曾割雙眼皮的真相，隨即直斥事主這並非小事，應先告知，然後憤而離開。對此，事主大感委屈，質疑其男友太過保守，直言：「割雙皮又唔係啲咩大不了嘅事，佢做咩咁大反應喎？」

該名港女近日於香港討論區以「男朋友知道我整過容之後嬲咗我」為題發文，指數年前她仍未和現任男友拍拖時，已接受了割雙眼皮手術；由於不認為割雙眼皮是件大事，因而一直沒向男友提及。直至最近，男友翻閱事主中學時期的照片時，發現其外貌有少許變化，於是詢問事主「點解有啲唔同」。

此時，事主笑笑口地回答因為割了雙眼皮，未料男友聞言後隨即「黑面」：

「佢問點解我一直唔同佢講，我話呢啲好小事咋喎，仲要係同佢一齊之前嘅事，佢即刻反駁我話呢啲都叫小事？」

二人因此而吵架，其後男友甚至「嬲爆爆咁走」，令事主大感委屈。事主不解男友為何要這麼大反應，又指現今不少人都會注射Botox（肉毒桿菌素）及整容，故質疑是男友太過保守，遂詢問網民意見：

「割雙皮又唔係啲咩大不了嘅事，佢做咩咁大反應喎……我男朋友係咪太保守？」

網民反應兩極：咁都包容唔到 VS 可能佢當初睇中你對眼

帖文引起網民熱議，有人留言認同其男友太保守，直言「割雙眼皮根本不算整容」、「男人而家好多都整容㗎喇，好平常啫」，又認為事主做自己就好：

（↓點擊圖片放大↓）

不過亦有網民站在男友角度，認為其男友擔心她曾經整容，往後日子可能會繼續為靚而動刀，「割雙眼皮係第一步，佢唔係嬲，係驚」:

（↓點擊圖片放大↓）

對此，事主表示因覺得「鼻整完會好怪」，因此她割完雙眼皮後便「冇再搞其他位」；事後她問男友何以如此憤怒，對方解釋並非因討厭她整容，「佢係嬲我冇同佢坦白，有嘢瞞住佢。」

同場加映：

Healthy Life｜疫情嚴重商場停業 泰國通胡慧冲直擊冷清超市

{{hket:ul-video id="3948"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：林幸琦