何猷君被電競對手鬧「私生子」挑釁 手舞足蹈反撩「開打」：你上來呀！

賭王何鴻燊與四房梁安琪的細仔何猷君算係近年曝光率最高嘅賭王之後，除咗家庭生活之外，佢事業嘅發展都成為大家關注嘅目標。何猷君早年開始發展電競事業，最近佢喺觀看有份投資嘅隊伍Estar比賽時，就疑似同對手QG嘅工作人員發生衝突！

{{hket:inline-image name="23969774_371417113286692_8526024516562845696_n_600.jpg"}}{{/hket:inline-image}}

網上片段所見，身處賽場二樓的何猷君大嗌兼指手畫腳，而在一樓的QG男性工作人員對何猷君鬧：「你就是廢物！」並夾雜不堪入耳嘅粗口；之後何猷君反擊：「聲音太小，聽不到，啦啦啦啦打不到我吧，你上來呀！」又手舞足蹈地笑說：「打不過我吧！」期間有女子出手拉住佢，似暗示叫佢停止。

不過亦有指其實係猷君先挑釁，自稱喺現場嘅網友透露當晚何猷君從QG選手進場時就開始嘲諷，當佢嘅隊伍輸咗第一局，就已經忍不住鬧QG係廢物，叫佢哋「滾回重慶」，甚至話連機票都幫佢哋買埋，QG嘅工作人員先還擊叫何猷君「私生子」，唔少網友認為猷君態度惡劣。亦有Estar粉絲稱QG輸咗比賽後鬧人，何猷君明明咩都冇做過，雙方粉絲各執一詞。

而事件不斷喺網上發酵，何猷君都忍唔住發文回應，澄清從未辱罵對方嘅工作人員！

全文如下：

原本不想回應這件事，這本身只是賽外的一場鬧劇，不值一提。但看到無數條惡語對我「家人」進行攻擊，我決定還是說一下：

第一：本人從未有過辱罵對方工作人員的言行，倒是對方說我的一些言論，相信看過視頻的大家都有聽到吧。

第二：e星每一場比賽都在全力以赴，這是對自己及對手及電競的尊敬。我們贏得起也輸得起。電子競技最迷人的就是「熱血」，千萬別讓它「涼」。

第三：我以後會管理好自己的情緒，做一個不那麼容易「上頭」的電競觀眾。

最後想問：說我人設崩塌的網友，我在互聯網的人設不都是你們說了算嗎？

有唔少網民都話何猷君身為「名門之後」，呢個唔係佢應有嘅表現，就算係對方先挑釁都唔應該「潑婦罵街」，非常難睇；亦有網民表示如果佢真係畀人鬧「私生子」挑釁，嬲到上晒頭都係無可厚非。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】