香港小姐2021｜關楓馨唔認靠爸爸關禮傑拉票 網民評晚裝似樂園「八彩天梯」

《2021香港小姐競選》準決賽昨晚（22日）於電視城內舉行，網民、觀眾有機會考驗自己眼光，更對節目作出有趣評價。有網民對佳麗於節目尾段穿上色彩鮮艷的晚禮服，等待司儀公布12強名單時，形容該畫面感覺似足海洋公園水上樂園的全新「八彩天梯」，亦有人封這套晚裝是「七月十四之七彩衣紙裝」，極盡抵死兼啜核。同時大會司儀錢嘉樂亦會老貓燒鬚，將港姐決賽日子由9月12日，竟然錯講9月21日，要拍檔丁子朗、吳偉豪急忙糾正過來。

{{hket:inline-image name="1024_b4750cc4594a93a23db6997ee391eefa.jpg"}}{{/hket:inline-image}}

{{hket:inline-image name="08232001.jpg"}}{{/hket:inline-image}}

無綫玩盡緋聞同負面新聞│香港小姐12強誕生鄉音佳麗Out 狄易達陳曉華舊情人同台演出【下一頁】

昨晚從20位佳麗中選出12強，結果梁允瑜、劉珍寶、伍韻婷、余詠童、張嘉倩、戴佳敏、王嫿嫿及余曉蕙先後被踢出局，無緣晉級角逐后冠。當中梁允瑜是今年話題佳麗，面試時爆出一段爆粗短片，其後在真人騷亦被師姐冷待，這晚完騷後她疑對賽果有點不忿，講明賽制不適合她，梁允瑜話：「輸係因為……可能之前有啲負面新聞，同埋喺佢哋面前講嘢比較真，可能咩都講啦……我唔會話賽制唔公平，呢個賽制唔適合我囉！香港小姐唔會只得一個形象嘅，如果因為以前嘅事影響，而覺得呢個女仔唔得嘅話，咁我諗自己可能唔適合佢哋！」

香港小姐準決賽│關楓馨與爸爸父女檔表演超屈機 關禮傑：成家上台咪好似打茅波【下一頁】

提到網上流出的爆粗短片，梁允瑜續說：「粗口片唔係我拍，當時畀男朋友揭露咗我啲屋企醜聞……因為屋企家境唔係幾好，我唔係好想畀人知，佢就爆晒畀我身邊嘅人知；之後我做咗傻事，食藥要去洗胃，好沮喪，拍拖拍到冇咗自我！當時佢話分手，我係處於好唔開心嘅狀態，飲咗酒後之後朋友錄低咗（爆粗）……我想同攻擊我嘅人講，呢個比賽輸咗，我可以做番自己，終於可以講番正宗廣東話同埋食魚蛋，唔使再避忌。（之後有甚麼打算？）想去一次短旅行，明年或者繼續進修碩士。（如果TVB想簽你？）呢啲再講啦！」

（↓點擊放大睇圖片↓）

至於關楓馨在才藝表演環節中獲爸爸關禮傑「助陣」彈奏鋼琴，感覺有點「屈機」，對其他人是否很不公平？關楓馨今日（23日）出席記者會時表示：「我又唔覺得爸爸係幫手，始終琴係我自己彈，大部分表演亦係我哋組員一齊做。我哋只係想表現出窩心嘅感覺，同其他組員討論過後，咁樣會畀到大家少少驚喜。」更否認出動星爸拉票，「比賽要睇個人的表現，而每個人對事情嘅睇法、感受都唔一樣，一定有人鍾意同唔鍾意。」指會汲取教訓，知道下一次如何做得好一些。

撰文：梁榮達

同場加映：【娛樂直擊】肥仔@ERROR下體慘食波餅向Edan@MIRROR報仇 謝影雪鄧俊文為Jer大打出手

{{hket:ul-video id="3965"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】