首談分手原因｜李佳芯曾提出結婚陳炳銓未Ready 聽盡閒言事業差距大怕待薄女友

現年38歲嘅視后李佳芯（Ali）同男友陳炳銓拍拖多年，3月Ali直認正在處理二人的關係，將對方身分降呢為朋友；五月時公開表示搵個價值觀相近嘅人唔容易，暗示跟陳炳銓已正式分手，7年的男女朋友關係告一段落。

{{hket:inline-image name="14as01c-crop.jpg"}}{{/hket:inline-image}}

今年Ali以拍劇為理由，突然搬離她跟陳炳銓位於西貢的愛巢，令外界質疑他們感情有變。Ali和陳炳銓的關係變得撲朔迷離，雖然她沒有承認「分」訊，後來卻公開將陳炳銓關係降呢成為朋友，二人回復單身事實「明朗化」。Ali同陳炳銓由拍拖到分手都係咁低調，一直都好少提及二人嘅事，不過日前佢終於鬆口談及二人嘅分手原因。

陳炳銓同Ali雖然喺事業成就上一直被外界認為有距離，不過佢哋不時被影到恩愛拍拖，樸素嘅Lifestyle可以話係襯到絕。Ali坦言，對7年情告終感到好可惜，又話分手唔係單一嘅問題造成：「我相信緣始緣滅，所謂滅，是去到一個盡頭位；每段關係都需要轉變相處方式，我會用這想法去理解整件事情，令自己比較好。」Ali指二人都好成熟去處理，再見亦是朋友，佢哋間中都會有聯絡；而Ali早前拍微電影都有搵做開製作嘅陳炳銓提供意見，對大家目前相處嘅關係感覺舒服。Ali分手時正值係去年拍攝劇集《智能愛人》期間，嗰段日子Ali都收埋自己，好少出街；拍完劇之後佢開始要再次面對自己，當時Ali一直匿喺屋企，情緒低落，幸好最差嘅時間已經過去。

2018年Ali憑劇集《BB來了》首次封后，事業正如日方中，不過佢竟然喺呢個時候主動向男友提出想結婚。Ali話自己以前細個會覺得28歲好老，要盡快結婚生仔：「事業最高峰一刻，我最想結婚！」可惜結婚唔係一個人嘅事，Ali唔想畀對方壓力，亦唔應該有壓力：「（結婚係要）大家有衝動而去做嘅一件事，我唔係話對方冇……一段拍拖多年嘅感情，一定會傾呢啲話題。」不過Ali指，當刻大家步伐唔一致，自己好想結婚，但陳炳銓就未準備好。

Ali大讚陳炳銓係一個有責任心嘅好男人，一直唔想待薄女友，但工作上對方比Ali遲起步，當女友得到大家認同時，陳炳銓仍然在努力中：「其實好多報道會對佢唔公平，但我相信認識佢嘅人都知道佢係咩人。外間將我哋事業去比較，但冇可能去比，因為感情相處係內在，唔係外間可以睇到。」Ali表示識佢哋嘅朋友都明白點解佢鍾意陳炳銓：「證明同佢相處後，會知道佢係一個可靠嘅人；又係一個好老師、好嘅傾訴對象，心地好。」

不過Ali相信每段關係都有所得着，佢直言自己係一個「逞強」嘅人，運用喺工作上係好事，但感情方面，久而久之建立安心關係後佢亦開始會「逞強」，性格上嘅固執就會表現出來，令對方覺得好多事佢都可以自己搞掂，唔需要關心。所以而家佢學懂就算自己識都好，都要求人幫，𠱁對方多一點，令對方有被需要嘅感覺。

同場加映： 《智能愛人》丨簡淑兒性格內向怕做主持 與男友麥大力相處開心感幸福

{{hket:ul-video id="3940"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】