鍾培生挑機稱可打低林作所有教練 拒絕對方突擊「迎戰」網民笑縮沙

「林鍾一戰」將於9月舉行，二人各有支持者，不過大部分人都撐練拳多時嘅鍾培生會以壓倒性嘅姿態打低林作！口水戰多時，唔少網民開始睇到有啲悶，日前就出現咗「番外篇」，竟然令到大家覺得林作嘅勝算提升？

{{hket:inline-image name="1.JPG"}}{{/hket:inline-image}}

林作早前於社交平台上載一條短片，短片中鍾培生被現職帝鋒金融集團董事總經理嘅李俊亨（Henry）約戰。Henry怒氣沖沖向鍾培生現場挑機：「你之前咪挑我機？好耐先見到你，不如而家打咗先啦！」鍾培生反問：「你畀幾錢同我打呀？」Henry解釋：「你拍片好唔尊重我哋教練團隊，好唔尊重Nana（香港泰拳拳后曾海蘭），唔尊重我哋！」

其實事件起因係今年5月1日林作進行處男擂台戰時，鍾培生喺自己IG Story開live向林作教練、兼為香港散打冠軍李俊亨（Henry）挑機，話自己可以Knockout（擊倒）佢哋全部人，包括Henry同Nana。Henry不忿被口頭「侮辱」於是搵鍾培生「迎戰」，林作見狀一直喺旁邊「食花生」，嘲鍾培生「龜縮」，並稱：「鍾生都是欺善怕惡，欺負弱者怕強。門外漢書生如林作，打！專業級教練兼身家有番佢咁上下嘅Henry，縮！」

片段中，鍾培生欲想離開，指自己從來冇唔尊重任何人，同時表示不想理會對方。Henry即用鍾培生的口頭禪說：「唔好講咁多嘢，你話knock out我吖嘛？而家no bullsxxt, let's go！」鍾培生爆粗回應：「You suxk！我點解要同你打？你係no one，我夠話可以K.O.晒呢度啲人！」最後有人前來勸交，當鍾培生趁機離開。Henry再拎尾彩講：「話唔打唔緊要，我係教育緊佢！作為一個運動員，唔可以咁樣，唔鍾意邊個就拍片。上擂台同人打交？而家可試吓先，Nana你（指鍾培生）就唔夠打喇！同我打吓先！」唔少網民話見到鍾培生開頭嘅反應似係真心驚，笑佢講就兇狠，到人哋真係要同佢對打時就縮沙！鍾培生可唔可以洗去今次嘅恥辱，就要睇9月之戰喇！