獨特的應援方式｜炎明熹粉絲逐個獻白花氣氛詭異 似喃嘸嚇親網民：鬼節搞啲咁嘅嘢

《聲夢傳奇》一班「學員」日前順利完成最後一場演唱會《聲‧夢飛行 First Live On Stage》，一連四日嘅演唱會都吸引到唔少娛圈名人入場觀賞，一眾星級導師亦作為嘉賓上台同學員合唱。演唱會門票開售冇耐就賣清光，足證咁多位學員都人氣爆燈，而佢哋嘅表現都獲得觀眾好評，睇嚟可以正式「畢業」喇！

{{hket:inline-image name="228207833_365129055125479_2687859907699192164_n.jpg"}}{{/hket:inline-image}}

在比賽中奪得冠軍嘅炎明熹（Gigi）表示唱到第4場時表示已經差唔多失聲，更自爆比賽結束後直至開騷前，一直受失眠困擾：「見演唱會逼近，心諗『死喇』，所以想盡辦法去瞓，結果都瞓唔到。朝早姑丈拉我去跑步，先維持到體力，但演出都有少少失誤，覺得表現唔係好好，得50、60分……比首場進步加多5分，就是同觀眾交流多咗。」Gigi話自己都唔知壓力來源，可能太多想法，家人已經買咗保健品幫助佢睡眠。Gigi稱之後準備拍劇，要睇多啲電影幫助磨練演技，但仍未做完暑期功課，又要開始趕工。

不過有一班疼錫佢，欣賞佢嘅粉絲，就已經咩都抵番晒。雖然當晚完騷已經好夜，但有好多粉絲都堅持等埋偶像，為佢哋打氣。其中就以Gigi粉絲「獨特嘅應援方式」最有創意，不過呢份創意就唔係個個buy，唔少網民都話睇到呆咗。見到一班粉絲排成方陣，一行人着上印有fans club logo嘅白色T恤，一臉嚴肅，之後開始一邊清唱歌曲《喜歡你》，一邊逐個上前獻花畀Gigi。

不過唔少網民都話呢個應援方式好詭異，更加有似為故人獻花嘅感覺，認真「大吉利是」。網民留言：「農曆七月搵啲咁嘅嘢玩。」、「成班人咁唱歌好似喃嘸佬打緊齋。」、「鬼節送白花咁反高潮。」、「撞鬼，件T-shirt驟眼睇以為係戴孝既黑絲帶（fans club logo）。」

仲有網民話的確係估佢哋唔到，見佢哋一開始排曬陣，以為準備好似OCamp咁dem beat。網民就似乎一面倒認為呢個方法表達愛意唔多合適，不過佢哋想感動嘅都只係自己嘅偶像Gigi。Gigi最後畀班粉絲搞到喜極而泣，呢次應援可以話係「大成功」呀！

同場加映：【娛樂直擊】謝賢狄波拉撐霆鋒新片《怒火》 「好耐冇見兩個孫睇怕唔認得」

{{hket:ul-video id="3920"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】