無品司機｜孕婦村屋叫的士去買餸被黑面 司機怨失長途單︰咁短下次就行啦

為求方便不少人都會電召的士，惟部分司機態度實在令人側目，一名居於元朗村屋的孕婦近日訴說，指自己經常電召的士到元朗市區買餸，卻屢次遇上不愉快經歷，甚至曾被一名司機冷言冷語埋怨使其錯失「大旗」，並斥責她「咁短（路程）下次就行啦」而大感無奈。

女事主本周一（16日）在Facebook群組「的士司機資訊網Taxi」發文，表示自己居住元朗村屋，平日由丈夫駕車接送出入，其他時間會搭的士，惟多次遇到不禮貌對待。她表示，有次要到元朗市區買餸時，遂使用手機程式叫的士，未料司機黑面之餘更對她冷言冷語，指本身有一張單去上水，又叫她「咁短（路程）下次就行啦」，暗指女事主連累他錯失大單。

女事主表示，由於當時懷孕，擔心與司機爭吵會刺激對方而造成意外，只好忍氣吞聲，

「最衰我嗰時大住肚，唔敢鬧佢，如果唔係我都會問聲做乜嘢要接我支旗？」

 平時會給額外貼士

女事主感到無奈，認為司機曾打電話確認地點，如果對方認為地點遍遠，有權選擇不接單，而非事後責怪乘客；她又指平時亦體諒司機，會視乎情況額外給予10至20元貼士，

「每次啲司機態度好我落車一定畀，如果多多說話、黑口黑面、特登煞車、揸到以為騎緊馬嗰啲一定冇囉⋯⋯畀錢搭的士仲要受氣有冇搞錯？」

帖文引來網民及的士同業熱議，有司機表示從來不會嫌地點偏僻，亦有人建議女事主考車，自己駕車便不用受氣：

（↓ 點擊圖片放大↓ ）

同場加映︰

晴報識玩 | 富豪酒店夏日親子 Staycation 八大運動課程「SUM」動起來

{{hket:ul-video id="3850"}}{{/hket:ul-video}}