謝天華罕曬2歲半前世情人冧滋滋 嬌嗲無辜臉萌爆：好掛住爸爸

謝天華最近與「古惑佬」陳小春、林曉峰以及張智霖、梁漢文、黃貫中、MC Jin 歐陽靖一齊參加內地綜藝節目《披荊斬棘的哥哥》。不過為咗搵人仔就要有所犧牲，要留低老婆李天恩（Tina）同一對可愛嘅仔女隻身北上開工，都咪話唔孤單。

{{hket:inline-image name="cccb7c504b1c9dfc6a490a847a9051dd.jpg"}}{{/hket:inline-image}}

身在香港嘅太太同一對仔女都好掛住天華，今日（17日）Tina喺微博上載一段天華抱住2歲半愛女Mia行街的短片，留言：「為啥看《披荊斬棘的哥哥》會想哭。因為好掛住爸爸！爸爸加油，艾粒U，我想你！ 」片中見Mia躺在爸爸胸膛，不時用手仔摸住爸爸，一臉無辜嘅佢又可愛又嬌嗲，真係見到佢就融化！難怪天華流露幸福笑容，真係命都畀埋呢個寶貝女。

現年54歲的謝天華於2005年迎娶拍拖12年的圈外女友李天恩，二人婚後十年都冇所出，之後用咗60萬做咗4次人工受孕。Tina捱了無數針藥，終於喺2015年迎來兒子謝浩飛（天天）。謝天華同老友小春一樣咁恨女，老婆Tina都同佢一齊力追，最後以45歲高齡再生多個女。圓夢湊夠一個「好」字，天華自不然做個好男人，錫老婆仔女錫到燶！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】