賴弘國七夕帶長髮女見家長 與阿嬌離婚近年半曾抑鬱暴瘦

現年40歲嘅阿嬌2018年喺美國同香港舉行盛大嘅婚禮，閃嫁細佢8年嘅台灣「醫界王陽明」賴弘國。婚後二人喺人前表現恩愛，更不時表示正努力「造人」；不料婚姻僅維持14個月，二人於上年5月宣布已於3月1日正式離婚。

{{hket:inline-image name="98322f6b-2b39-44d1-ba86-796b2394877a-1588948120.jpeg"}}{{/hket:inline-image}}

至今兩人已回復單身近一年半，阿嬌就未有好消息，曾經喺節目講過自己唔想再結婚，不過就唔抗拒再拍拖。而賴弘國日前趁七夕兼爸爸生日，就公開同疑似係新歡嘅合照。佢喺社交平台留言：「七夕快樂，親愛的爸爸生日快樂！」相中嘅佢同父母都笑得好開心，身邊仲有位身形纖瘦嘅長髮女子，二人企到埋一埋，親密度似足情侶，不過賴弘國就用咗個水蜜桃sticker遮蓋女方樣貌，非常神秘！其實喺去年9月時，賴弘國曾與餐廳總監傳出緋聞，當時佢post出合照並用英文留言：「謝謝你照顧我的寶貝。」，所以都有唔少網民猜測「水蜜桃女」係咪就係呢位餐廳總監。

賴弘國之前似乎一直走唔出失婚陰霾，今年5月時被指突然暴瘦，回應網民詢問時就以「老問題」3字回覆。佢之後亦承認體重下跌接近20磅，表示自從2019年開始已出問題：「憂鬱的問題從2019年到現在，最近沒有食欲，開始吃不下。」佢更直指離婚係暴瘦原因之一：「你看我一個婚姻，人生都要毀了！但這沒甚麼好讓人知道。我現在努力打拚，會挺得過去。」有知情人士指賴弘國當時因抑鬱症已求醫2年。

其實賴弘國同阿嬌結婚前有過另一段婚姻，前妻趙筱葳（Ivy）因貌似女星林依晨，被封為「華航林依晨」，兩人於2016年結婚，但不到半年就離婚。連續兩次承受婚姻失敗嘅打擊，賴弘國都仲有膽再闖情關，真係勇氣可嘉！

同場加映： 劉青雲古天樂郭富城三大影帝 拍攝《掃毒3》因疫情遇波折

{{hket:ul-video id="3894"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】