幸福人妻丨熊黛林工作前夕為老公郭可頌慶生 孖女獻吻兼送生日卡冧爆爸爸

名模熊黛林（Lynn）與郭可盈胞弟郭可頌相戀，2016年拉埋天窗，育有一對現時3歲大的孖女Kaylor及Lyvia。已為人母的Lynn為了照顧家庭，專心相夫教女。Lynn今日（12日）在IG貼出一家四口的溫馨合照，原來昨日（11日）是郭可頌生日，Lynn留言寫道：「有甚麼比一家人健健康康、開開心心更重要呢？生日快樂老公！」一對孖女向爸爸送上自畫生日卡和獻吻，冧到爸爸甜在心頭。

{{hket:inline-image name="5.jpeg"}}{{/hket:inline-image}}

{{hket:inline-image name="14.jpg"}}{{/hket:inline-image}}

熊黛林素顏為老公郭可頌慶生 前世情人搶住獻吻媽媽冇碇企【下一頁】
至於如何慶祝生日，Lynn表示昨日留在家中，一家人簡簡單單食飯慶祝，她說：「我哋冇出去呀，只要一家人齊齊整整，簡單咁食餐飯都已經好開心。」問到送甚麼生日禮物給老公﹖Lynn笑言不會透露送了甚麼禮物，只謂除了送上生日卡外，還跟兩個女兒一起製作小心思，送給老公作為驚喜；Lynn續說：「我同囡囡第一次合作整咗張生日卡，兩個女負責畫圖畫，大女畫一艘船，細女就畫個心，但畫到亂七八糟，睇唔出係畫咩，但好有心思；我就曬咗一啲家庭開心相，老公收到都好感動。」

{{hket:inline-image name="13.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}

女追男｜熊黛林爆追求郭可頌慘食檸檬 主動出擊表愛意：放馬過來吧！【下一頁】
此外，由於疫情的關係，她的工作和生活都受到影響，她指原定9月要到內地工作，但現時計劃將有延遲，她說：「老公都擔心嘅，我一返內地就要幾個月，都好唔捨得佢哋，但人係需要工作嘅，希望疫情快啲過去，所有人都健康，我哋工作都唔需要分開咁耐。」

撰文：黃曉妍

同場加映：聲夢傳奇│ 冼靖峰名校出身不認為贏在起跑線 棄高薪尋夢：咁先係人生勝利組

{{hket:ul-video id="3881"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】