陳庭欣和男友家中睇喪屍片出事 愛犬一姐搞破壞銀包信用卡分屍

陳庭欣（Toby）的家昨晚發生「口暴事件」，她的比高犬「一姐」將其名牌銀包狠狠咬爛！原來「一姐」早有前科，更是次次新鮮……Toby在IG上載短片發文，「比高犬真係唔易教！繼風扇兩把、吸塵機一部、手提電腦叉電線、數條USB叉電線之後嘅最新『傑作』……幸好梳化同食飯枱還在！」

{{hket:inline-image name="18.jpg"}}{{/hket:inline-image}}

比高犬「一姐」是家中的「小霸王」。（陳庭欣IG）

{{hket:inline-image name="14.jpg"}}{{/hket:inline-image}}

一姐今次大鑊了……（陳庭欣IG）

PetPet星︳陳庭欣為富貴男友當新手媽媽 一姐夠霸氣 哥哥Winter性格麻甩 【下一頁】

上載IG的短片中，見到「一姐」破壞力不少，咬爛了黑色銀包，信用卡斷開兩截，幸好銀紙未有得到「一姐」垂涎而力保不失！至於當場被補的「一姐」就遭即時「收監」，身處犯人欄內的牠，時而低頭，時而露出一副懺悔樣，似求Toby開恩，發還重審；另一隻愛犬Winter則置身事外，唔係食花生，而是繼續瞓覺，還瞓到四腳朝天狂扯鼻鼾。

Toby接受《晴報》訪問時表示︰「呢隻『一姐』真係精力無限……噚晚坐喺屋企睇緊一套喪屍片，好投入……當時『一姐』喺梳化後面個欄……點解突然咁靜嘅？我擰轉頭就發現案發現場半個銀包碎咗、錢四散，三、四張卡爛咗，嗰刻直情恐怖過我睇緊嗰齣喪屍片！」原來該銀包是屬於Toby的男朋友Benny（楊振源）的。

因為「一姐」屬於獵犬種，精力無限，需要大量時間「放電」，但Toby指最大問題是「一姐」是宅女，不喜歡出街，她謂：「我係每日逼佢出兩次街，門口行幾步就趴喺地下唔行，但喺屋企就電力無窮！佢又霸道，買咗好多玩具畀佢，都要搶埋Winter嘅玩具去自己個竇！」

有網民提議帶「一姐」去上寵物訓練堂，Toby稱之前每次有人一摸牠，牠都會出口咬人手，經訓練員教導下已有改善，「但係唔可能廿四小時mon實佢……不過唔可以全怪『一姐』，做主人都要放好自己嘅物件，我就好小心擺好嘅，但有人就……」送新銀包送給男友？她表示：「政府送啦！用消費券……幫手振興經濟。」Toby經常說愛搗蛋破壞的「一姐」非常「曳曳」，而鸚鵡Shabushabu就愛食花生，仲會跟著說「曳曳、曳曳」，勁好笑！

撰文：衛紫敏

同場加映：AK@MIRROR與麻利緋聞當笑料 踢爆Frankie被誤「友人」感不悅

{{hket:ul-video id="3826"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

方力申奧運結束留日Shopping 自爆入行21年首次畀錢剪頭髮 【下一頁】