林盛斌一家六口為家傭姐姐慶生 同Bob撞樣被誤認為親生細妹

林盛斌（Bob）同太太Pearl育有3女1子，一家六口相當幸福。吸金力強嘅Bob出名多job多騷，而Pearl喺4年前生咗細仔之後都開始建立番自己嘅事業，仲要百足咁多爪，真係一啲都唔容易呀！兩公婆工作忙碌，家頭細務都要有人打理；正因為咁，Bob屋企就請咗兩位家傭姐姐。今日（10日）Bob就上載咗一家六口為其中一位姐姐慶祝生日嘅相，唔少人都話好羨慕姐姐有個好僱主呀！

{{hket:inline-image name="502982f7-e5fc-46d0-b227-e3e8a382e570.jpeg"}}{{/hket:inline-image}}

Bob一家人都對家傭姐姐Nita相當有心，適逢Nita生日，Bob一家為姐姐整咗一個homemade生日蛋糕，並喺社交平台post合照，留言：「而家要搵到一個好嘅姐姐，機率係同中六合彩差唔多。Nita，生日快樂，開開心心，辛苦你成日畀人話似我個妹！」唔少網民都話二人好似樣，又指姐姐皮膚白滑好靚女，有啲似細細粒（陳嘉佳），Bob就回應話姐姐唔止靚，心地仲好好添！

Bob一家善待姐姐，當正佢親人，有網民留言話想同佢打工：「相遇到你同你全家，真幸運開心。」喺屋企要對住家傭姐姐全日咁滯，如果唔夾，真係慘過撞鬼，所以唔少網民都話好羨慕佢請到一個好姐姐，話好多姐姐未必願意去有四個小朋友嘅家庭工作；Bob都好感激姐姐，表示：「我遇到佢先係幸運！」

同場加映： 《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】