菊梓喬被變態網民恐嚇要剝牙 「多齒症」不定期復發生殭屍牙

菊梓喬（Hana）不時都會喺社交平台出post同大家分享自己嘅工作同日常，又會不時post自己嘅靚相，唔少粉絲都好熱衷留言同偶像互動。不過日前佢喺社交平台自爆遭恐嚇，但未幾又將相關帖文刪除，令到唔少網民都好擔心。

{{hket:inline-image name="d4ee3affde709022322bc181f2fba38d.jpg"}}{{/hket:inline-image}}

Hana發文：「傻、變態、恐嚇，我係唔會怕你的。」之後就好快將帖文刪除，原來佢只係想用私人帳號留言，但錯手於公開專頁發文。Hana表示近日有位網民喺佢社交平台上留令她感到恐怖嘅留言，即使已封鎖對方，對方仍會用其他帳號繼續留言。

Hana又指留言類似係話佢該張相冇露齒笑，跟住自問自答，仲話如果見到Hana啲牙會繼續剝！即使進行封鎖，對方仍繼續留言，話Hana接受唔到呢啲comment，就唔好學人做藝人：「我唔覺得呢啲係comment，字眼上好恐怖，可能佢好憎我啲牙啦……佢嗰段留言真係好恐怖，好似啲恐怖片困你喺一個地方剝牙咁。我覺得真係一個恐嚇，有啲恐怖，因為驚畀啲小朋友見到，所以刪除晒。」

翻查Hana社交平台，見一名網民留言：「無牙的嗎？」其他網民幫菊梓喬反擊佢即再回應：「話親你個最受歡迎女歌星呀！下次叫佢影相露棚牙畀大家欣賞吓囉！」其實Hana一直受「多齒症」困擾，而且呢個病仲冇得醫，5年前就曾經復發。Hana指生完一隻就會自己甩，會keep住生一年左右，但啲牙唔係普通牙，係好似殭屍牙咁樣，同埋牙肉會腫兼且會痛：「好似十萬個人就有一個人係咁，醫生話冇特別原因點解會有呢個病。」病情都會影響唱歌同說話。如果呢位網民真係因為Hana嘅牙齒而唔喜歡佢，咁真係認真無辜。

同場加映：【晴報獨家】Edan@Mirror出新歌有壓力 被批咬字不清點回應？

{{hket:ul-video id="3771"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】