東奧閉幕禮｜李浩林寸到應吳業坤周奕瑋口啞 全行最貴司儀最夠資格開聲

無綫派出方力申、吳業坤（坤哥）、周奕瑋（Jarvis）同陳約臨去到日本為《東京奧運》進行採訪，期間發生咗唔少插曲，小方專業表現獲讚；但坤哥、Jarvis同陳約臨嘅表現都被彈，陳約臨更加連噚日最後一日嘅閉幕禮都冇得出鏡，睇嚟佢嘅主持事業隨時翻唔到身。

{{hket:inline-image name="e56f002ad4137e916fdeff0ab97b5495.jpg"}}{{/hket:inline-image}}

周奕瑋同坤哥因為截停港隊划艇選手洪詠甄，問對方一啲冇營養嘅問題而畀大家鬧爆。閉幕禮後，二人分享自己嘅感動時刻，周奕瑋表示：「之後都想搵多啲機會，去同唔同嘅運動員傾偈，都係以一個支持嘅角度。」坤哥則表示自己會學划艇同其他運動，似係為之前被指有欠專業補飛。

之後周奕瑋問坤哥：「會唔會學埋霹靂舞？」坤哥回答：「我已經好霹靂㗎啦！」此時李浩林（Derek）突然爆出一句：「見到你哋兩個都好辛苦啦，你哋兩個做訪問嗰陣時要捧住對方，唔好再問人聽唔聽你哋啲歌喇吓！」周奕瑋同坤哥聽後表情僵硬兼尷尬傻笑，坤哥又指住周奕瑋話：「唔係我問……Jarvis問㗎！唔係我問！」而方力申以及李浩林等主持見到二人咁尷尬，都忍唔住爆笑。

其他人可能未必有資格「教訓」坤哥同Jarvis，但以李浩林呢位大前輩嘅地位，真係話佢哋都係袋錢入佢哋袋！業內PR曾經爆料，指司儀收嘅價都係視乎性質、工作時間而定，冇特定標準。要數最貴又最多人搵嘅，就係李浩林，相信大家都肯定有睇過他主持過的電視節目，《歡樂滿東華》、《萬千星輝賀台慶》、《港生活 · 港享受》、《今日VIP》等節目；而Derek更主攻埋「貴價騷」，即係除電視節目外，仲有名牌奢華品舉辦嘅宣傳活動。連政府2018年《高鐵香港段開通儀式》都係由佢同陳芷菁一同擔任司儀，可以話係「殿堂級」主持。

同場加映： 《砂之器》｜Jer柳應廷@MIRROR難忘AK講對唔住撫平疙瘩 硬頸個性曾激親媽咪靠冧功化解

{{hket:ul-video id="3830"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】