好耐冇見︱郭鋒石修聚頭EYT傾起雞啄唔斷 年紀差3歲被網民指似兩代人

現年69歲嘅資深演員郭鋒從影大半生，除咗出名演技精湛外，仲係一個「癡心情長劍」。郭鋒與同為演員嘅太太歐陽佩珊共同走過40年婚姻路，可惜歐陽佩珊在2017年因病過身，深情嘅郭鋒對至今對太太仍未忘情。而歐陽佩珊離世後，郭鋒幾乎喺幕前絕跡，唔少電視迷都好掛住佢！日前佢終於「蒲頭」，同多年老友石修相聚，唔少人都好羨慕佢哋擁有呢份Keep咗半世紀嘅珍貴友誼。

{{hket:inline-image name="2700573e8e94b4e47d796eb33e4ac9e3.jpg"}}{{/hket:inline-image}}

活躍喺社交平台嘅石修Post出二人嘅合照，留言：「與郭鋒大俠一聚，有説不完的話題，十分珍惜這份半世紀的友誼，大家齊分享。」郭鋒留言指自己同石修已經多年冇聚，一見面就好多嘢傾：「同修兄久再重聚，EYT年代已吐不完的回憶！嘻哈哼呵！」石修就回覆郭鋒下次再聚。

相中石修搭住老友郭鋒肩膀，二人笑得非常燦爛。石修着住黑色襯衫出鏡，頭髮仍然烏黑濃密，gel到行一行；臉上皺紋唔太明顯，身材幾乎冇發福，狀態大好嘅佢似四五十歲，有型有款。而細石修3年嘅郭鋒髮量反而比較少，見到佢髮線後移，兩鬢頭髮花白，仲有唔少皺紋，有網民話睇落反而石修先似係郭鋒嘅後輩！

近期郭鋒開始多咗「亮相」，早前藝人鄧智堅同佢一齊打羽毛球，仲話好開心前輩鋒哥一直有留意自己動向！希望郭鋒已經走出喪妻陰霾啦！

同場加映：  【晴報獨家】Edan@Mirror出新歌有壓力 被批咬字不清點回應？

{{hket:ul-video id="3771"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】