男主播蔡家俊踢拖入廠直播出街 有線新聞蝦碌穿崩入晒鏡

去年年尾有線大地震，有線寬頻發新聞稿指約100名員工受影響。有線新聞部是重災區，約40人被裁，其中專題環節《新聞刺針》全組「連根拔起」。消息指，中國組「總辭」，各部門均有主管遞信請辭，以示不滿。

{{hket:inline-image name="167407325_2881450202104834_6242654828005257896_n.jpg"}}{{/hket:inline-image}}

有線中國組助理採訪主任黃麗萍被解僱，加上新聞部共40人被裁，有線中國組總採訪主任司徒元與全組10名編採人員亦決定「總辭」，有線新聞港聞組、國際組、中國組、財經組、體育組主管全部遞信辭職（即包括採主級及總採主級人員），以示不滿。

有線新聞在香港屹立多時，一直有良好的口碑，呢次大換血，唔少人都擔心「青黃不接」。

話口未完，日前新聞台直播就發生咗穿崩事件，片段中見到，女主播未完cast，另一男主播蔡家俊趕住入廠，佢唔知鏡頭仲影緊，結果拖鞋look出晒街仍懵然不知。除咗主播蝦碌，連導演都出錯片尾，本應播完新聞出有線logo，但就出錯標示，彈出一串意義不明嘅文字，求其是旦，運作似乎有啲混亂喎！

不過唔少網民撐只係「好小問題」，佢哋話︰「落雨，對鞋濕咗有乜嘢問題？」，有人仲搞笑回應︰「算好啦！下身唔係著短褲」，睇嚟有線真係積落唔少忠粉，對佢哋一時失誤好包容呀！

同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】