楊思琦細仔撞頭「起樓」慘豬爆喊 「虛擬老公」安撫Kody意外現身？

楊思琦2001年成為港姐冠軍，之後一直備受TVB力捧，星途一片光明。不過之後因為棄拍拖九年嘅李泳豪，搭上空心老倌吳帥並未婚生女，被指拜金一沉百踩；不過思琦一直都默默耕耘，自己搵奶粉錢養女。去年2月楊思琦再被踢爆離奇生多個仔，事後佢解釋已與圈外老公結婚，不過從來冇人見過佢口中嘅老公，因此被戲謔為「虛擬老公」。噚日思琦Post出囝囝相片嘅時候，有一名神秘男喺背景出現，唔知係咪就係佢口中嘅老公呢？

{{hket:inline-image name="227277581_654184125976381_128481032616430955_n.jpg"}}{{/hket:inline-image}}

楊思琦日前出席活動，指已經16個月大嘅細仔Kody每次見到媽媽戴口罩換鞋準備外出，就會表現依依不捨地說「拜拜」，十分可愛。囝囝開始大，變得非常好動，噚日仲唔小心撞到頭仔，真係睇到都覺得心痛呀！思琦留言：「慘慘豬Kody，撞到頭，好大條傷痕！大額頭腫了！可憐豬。」

相中見到Kody額頭嘅傷疤好深，仲腫起咗一大嚿，Kody更喊到收唔到聲，勁陰公呀！不過大家嘅重點唔係擺喺Kody上，而係背景中安撫Kody嘅神秘男。神秘男手臂粗壯，而且疑似打大赤肋，相信都係思琦好Close嘅家人；據知思琦嘅哥哥長年喺美國，唔通一向將老公收得好埋嘅佢，今次終於百密一疏？

圖片來源：Instagram

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】