東京奧運｜吳業坤繼陳約臨後再爆採訪災難 截停洪詠甄冇問題問：你走啦

奧運盛事今年喺日本首都東京舉行，因為疫情關係今屆冇觀眾入場，記者現場轉述就變得更為重要。今年無綫就派出4人採訪隊，當中有陳約臨、日本通周奕瑋、吳業坤同埋曾經係運動員嘅方力申。

{{hket:inline-image name="223166490_957706328406218_9073720004465778150_n.jpg"}}{{/hket:inline-image}}

陳約臨早前因為採訪喺男子花劍奪金嘅張家朗時示愛，表現有欠專業而「率先」被負評；而曾經有做奧運採訪嘅「大師兄」方力申今次就表現得體而獲得好評。日前，採訪周邊故事嘅吳業坤同周奕瑋就因為一個場外訪問表現輕挑而畀網民鬧爆。

周奕瑋招手叫停港隊划艇代表女子單人雙槳運動員洪詠甄：「阿甄……可唔可以阻你十秒呀？」洪詠甄友善停低，周奕瑋反問坤哥：「乜你唔係有嘢問佢咩？（吳業坤：「冇呀，你走啦……」）坤哥想問你（洪詠甄）鍾意小方（方力申）啲歌多啲定佢啲歌多啲？」洪詠甄一面尷尬咁回答：「其實……我冇聽中文歌呀！」坤哥非常面懵咁同周奕瑋講：「而家你咪得到呢個答案囉！你想我點？我想『搵窿捐』都搵唔到！」

唔少觀眾睇到之後都大怒，鬧爆坤哥行為侮辱運動員，將對方「呼之則來，揮之則去」，更指事件係「陳約臨翻版」嘅採訪災難。唔少人都大鬧佢哋冇禮貌兼問題無厘頭：「其實係咪TVB要道歉，咁重要的盛事，派啲咁嘅水準的人去採訪。」、「叫人過嚟又叫人走，無禮貌嘅極致」，一面倒負評。

 同場加映：Thai耐無去︱泰國通胡慧冲約咗麥當勞叔叔 麥記海南雞飯同水門雞有得揮？

{{hket:ul-video id="3762"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】