亞姐2021︱37歲薛影儀18強不入跳級簽約ATV 網民期待硬撼無綫東涌羅浩楷

《亞洲小姐競選2021》昨日（29日）於大埔亞視總台舉行記者會，公布18位入圍佳麗名單。面試當日非常搶鏡嘅37歲「A0」中女薛影儀最終落選，不過原來ATV另有大計。

{{hket:inline-image name="7b225725eaf6003b713586ada3b2f4d1.jpg"}}{{/hket:inline-image}}

亞視喺YouTube上載咗薛影儀嘅訪問片段，着上一件樸素貓貓T恤嘅佢明顯對鏡頭陌生、對答唔流暢。薛影儀再次表示想參加亞姐儲經驗，對上屆亞姐蔡小蝶、何雙妍、高文君都有認識：「得到面試經驗，有好多環節。我從來都未去過電視城，見到啲明星，同啲佳麗交換咗聯絡方法。」睇嚟佢都對呢次體驗好滿意！

薛影儀表示自己十幾年前在社區中心工作，之後轉做侍應，但因為唔喜歡戴口罩而辭職。無業嘅佢多數時間都留喺屋企睇電視，更稱最愛睇無綫節目：「《寶寶大過天》細路女好好得意，岑麗香都係同我咁大。」又指睇《THINK BIG天地》同《東張西望》都學到嘢！

不少網民對薛影儀未能入圍感到失望，但原來亞視早有預備，今日特意叫阿儀去到大埔總台簽約，兼與亞視藝員和公關部高層會面，似乎未來將有大搞作。唔少網民都諗起無綫之前簽咗同樣都係咁「另類」嘅落選佳麗、「東涌羅浩楷」利愛安，大家自然將二人作比較，又非常期待佢哋將會有一場硬仗。不過薛影儀之前接受訪問時指家人唔知道自己參加選美，唔知如果佢真係入行嘅話點同家人交代呢？

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】