家庭關係｜表妹被迫遷媽媽擅自收留惹不滿港男：可唔可以諗吓喺度住嘅人？

發佈時間: 2021/08/01

相見好同住難，一名港男發文抱怨，指最近表妹被業主迫遷無處容身，母親得知後擅自收留，從未問家人意見，未料惹起種種問題。事主力數表妹各種罪行，包括不會將甩色衣物分開洗、進食後不會自行掉垃圾，更偷用其女友護膚品等，令他大為不滿：「可唔可以諗吓原本喺度住緊嘅人呢？」然而母親卻不以為意，反而要求他忍讓。

【居住問題】家姐誕B後與老公搬回公屋娘家，弟弟呻被鵲巢鳩佔憂被迫走，「好似我欠咗佢哋成家」，詳情即睇：【下一頁】

一名男網民本周四（7月29日）在「香港討論區」發帖，表示表妹被業主迫遷，對方形容自己「無家可歸好慘咁」，由於表妹與家人「唔係咁啱」，故未有回去與家人同住。他指母親從小至大到十分痛錫表妹，她得知對方無地方住後，未有跟家人商量就讓表妹在家中暫住，其生活習慣卻令事主大為反感。

1. 未有將甩色衣物分開洗

事主指表妹「進駐」一周後，發現對方進食後不會自行收拾和掉垃圾，將甩色的衣物放入洗衣機前亦不會知會其他人，更沒有跟其他衣物分開洗，結果事主T恤被對方甩色牛仔褲染成「一撻撻」，然而表妹不但未有道歉，態度更令事主感到不滿，

「同佢（表妹）講，佢仲要話：『爛鬼T恤值幾多錢呀？都唔夠我條褲貴啦』。都唔係價錢問題，而係你自己洗衫明知條褲會甩色，你都會分開嚟洗啦！」

2. 早上霸佔廁所一小時

事主指平日早上準備上班時，表妹總會霸佔著廁所一小時，令他和家人未能使用，他怒斥：

「得你一個要返工咩？我同老竇都要返工㗎，你估得你一個人住呀？我哋好心收留你，唔係『老奉』要接受你呢種咁差嘅生活習慣囉。」

3. 偷用事主女友護膚品

事主表示，女友有時周末會到家中過夜，表妹得知她會將護膚品放在房間，竟擅自入房偷用，被事主發現後反指責他「小器」。事主為此向母親反映，其母卻勸他「讓吓表妹」，又指她找到住處就會搬走，反問事主：「而家叫人哋走，佢可以走得去邊？」母親態度令他深感無奈，

「點解（母親）當初決定收留佢嗰陣，唔同我哋商量吓先？住一陣唔緊要，但係可唔可以諗吓原本喺度住緊嘅人呢？佢唔走，我打算搬去女朋友度住一排，一係佢走，一係我走。」

網民：接咗就好難送走

不少網民看到帖文後，認為事主跟表妹始終是親戚一場，著他容讓對方；另有網民批評表妹不會尊重別人，但收留了對方就好難將她送走，事主搬走後更可能會被鵲巢鳩占。

↓ 點擊圖片放大 ↓

同場加映：

茶葉界LV 小編試食Tea WG精緻貴婦下午茶

住屋問題│一家四口居200多呎公屋，哥哥女友入侵長住「霸地盤」，同房妹妹淚訴：我被變成外人，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

每朝索取《晴報》：精明生活．健康家庭．開心娛樂

撰文：蘇麗儀

最新文章