邵音音被朋友為名牌手袋出賣險遭輪姦 毀容時難忘林建明率採訪隊追訪

邵音音近日接受張寶華YouTube頻道「Too Simple Sometimes Naive」訪問，大談過往拍攝風月片、受騙、毀容等人生經歷。她提到曾經為一位女歌手朋友出錢又出力，帶挈她工作之餘，亦默默照顧對方；沒想到友人卻為了一個名牌手袋而出賣自己。邵音音憶起當時在歐洲登台被灌醉帶上酒店房，在迷糊之間聽到三男的對話，指他們買了一個名牌手袋給她的好友，以換來「機會」；幸好其餘兩男最後感內疚而放棄。脫險後，邵音音得悉是女友人策劃事件，但該友人事後竟公開事件，更向傳媒訛稱邵音音在當地「賣肉」，「我當時真係好痛苦，背後做呢啲事嘅人，全部都係我好信任嘅朋友。」

日日媽媽聲｜ 劉丹曾被老婆誤會與邵音音有染 鬧離婚即劃清界線：唔好同我打招呼【下一頁】

{{hket:inline-image name="yam1.jpg"}}{{/hket:inline-image}}

邵音音直言只能怪自己容易信人，事件至今雖已發生幾十年，但仍然歷歷在目，她說：「不過我都釋懷，人哋都係為咗生存啫。」提到她因意外而傷及鼻子和下巴毀容，音音姐難忘當時林建明率領《今日睇真D》攝製隊到醫院拍攝她的容貌，「當時報道唱到有幾衰得幾衰。住院期間，林建明帶《今日睇真D》嚟拍我，咁好嘅朋友有咩人情好講？不過咁多年我仍然好珍惜朋友。」她又直言曾經好憎恨出賣她的人，恨不得他們「衰收尾」幾年；但如今回頭看，只是覺得當初不夠冷靜，幸好一直堅強不被看死，亦在海外獲得15個影展的影后獎項。對此，邵音音感激世界電影人接受她，「我覺得係對呢啲人（出賣自己的人）嘅報復。啲人想踩死我，但我踩不死，反而有種贏咗佢哋嘅感覺。」

邵音音在被騙之下拍下第一套風月片，後來一脫不能回頭；雖然她希望拍多幾部風月片後，就結婚嫁人，但沒想到原來連婚姻都是一場打賭，丈夫只是為了朋友之間的打賭而娶她，「我目的係嫁個老實人，結婚幾個月之後就發覺原來佢係因為打賭先娶我，同想像中係兩回事……不過佢同我住埋同一間屋，而且仔女都喺度，唔講佢喇！」她直言由開始拍風月片時，已經認定自己不會有真正的愛情，「我冇愛情，我除過衫，唔會有人想同我有愛情……點會娶一個買幾蚊Video就睇到佢全部嘅人，邊個家族會接受娶呢啲老婆？風月片嘅打擊真係好大，係我毀咗自己……冇諗過而家會再紅，我覺得上天對我不薄。」

《盼你賞面》｜邵音音曾被仔質問點解要拍三級片 叮囑媽媽：唔好畀人呃去除衫【下一頁】

邵音音形容美貌害了她的人生，而現時是人生最開心、最舒坦的日子，她說：「我唔再信人，亦唔需要朋友，我有家人就夠。感謝我仔女原諒我，因為仔女一直離唔開『媽媽係肉彈邵音音』呢句說話，我好對唔住佢哋，佢哋冇得選擇父母，但佢哋喺是非之中仍然選擇孝順我。好似胡錦咁，佢同凌波搵好多好多錢，但個女仍然覺得有呢個老母好冇面，胡錦好在乎個女唔原諒佢。」

{{hket:inline-image name="218341248_2930292830563300_6056579639282958677_n.jpg"}}{{/hket:inline-image}}

{{hket:inline-image name="shiu16_600.png"}}{{/hket:inline-image}}

同場加映：王浩信獻聲為奧運開幕造勢 胡鴻鈞認《聲夢》粉絲望有機合作

{{hket:ul-video id="3697"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉