PetPet星︳陳煒由愛名種貓變養流浪貓咪 Charlie陪睇劇本 Winnie最大食

娛樂圈中有不少「貓奴」，陳煒是百份百的愛貓之人，全盛時期養過十隻貓咪以上，現在只剩下15歲的老大Rocky、14歲的Charlie和13歲的Winnie；Rocky、Winnie是流浪貓，Charlie是從慈善機構中領養回來。

煒哥鍾情貓咪是由於牠們安靜，性格獨立，她說：「貓比較易打理，佢哋會自己玩，唔同狗狗要帶佢出街『放風』，狗比較熱情要主人同佢玩多啲，我哋呢行工作時間長又唔定時，所以養貓我覺得適合啲。」

{{hket:inline-image name="01.jpeg"}}{{/hket:inline-image}}

煒哥由泰國帶貓咪Winnie嚟到香港，唔使再喺街頭做流浪貓。（陳煒IG圖）

{{hket:inline-image name="26.jpeg"}}{{/hket:inline-image}}

煒哥屋企３個仔女都係領養同收養返嚟。（陳煒IG圖）

PetPet星︳陳庭欣為富貴男友當新手媽媽 一姐夠霸氣 哥哥Winter性格麻甩 【下一頁】

煒哥和貓貓生活多年，很熟悉3個仔女的脾性，都是性格大師。黑色貓咪Rocky好有「老大風範」，「身型幾健碩嘅，叫聲重低音，所以我就改佢名叫Rocky，佢性格比較淡定，沖涼都超級乖，平時唔算好熱情，但總會企喺你左右。」煒哥指當初牠在屋苑樓下出現，她餵了Rocky數天後，牠便跟著她回家，成為陳家成員。

至於Winnie是「泰妹」，是煒哥從泰國帶牠到香港的，當時煒哥在泰國的路邊草叢發現牠，「狀況好差似缺水，於是帶佢去睇獸醫……遇見Winnie係一種緣份，可能因為咁佢係好黐我，鍾意反肚扮萌，討人抱抱錫錫！」煒哥說不要以為Winnie身型嬌小，牠「罐罐」的食量是全家之冠，更有百厭一面，「最喜歡玩嘅係橡筋，我紮頭髮嘅橡筋全部唔見晒！」

而「老二」Charlie是一隻虎紋貓，煒哥形容牠是「跳高好手」，「佢最鍾意跳上吊櫃、衣櫃頂，但佢就比較細膽，比較神經質，好鍾意同我講嘢，又會陪我睇劇本，擅長眼神交流。」回想當日在收養場所，Charlie在煒哥面前來回踱步，成功吸引其注意，「以前我有養名種貓，但其實花貓、流浪貓都一樣好得意，好值得大家愛錫嘅。」

煒哥分享近日一件開心事，「有一隻黑色貓咪喺我屋企樓下出現，我都有落街定時畀嘢佢食，最後知道隻貓貓已經被好心人『包養』咗！其實香港係有好多愛寵物嘅有心人。」

難忘事當然不少，有一年農曆新年，煒哥說要出門五日四夜，家務助理放假，本來準備了三個砂盤，大量乾淨水及乾糧，理應問題不大，結果她返到屋企簡直崩潰，「我張大床全部都係佢哋嘅大小便，原因係因為佢哋貓砂盆係喺廚房入面嘅工人房，但可能佢哋玩得太開心，將廚房嘅門塞踢甩咗，廚房閂咗冇得去砂盤，所以……我將床變咗砂盤嘞！搞到我嗰晚冇床瞓，要瞓梳化，又冇厚被差啲凍親。我冇嬲佢哋，佢哋已經好乖，以為我都唔敢要佢哋獨處多過兩日！」

撰文：衛紫敏

同場加映：Mirror X Error踩入屯門粉絲迫爆商場 肥仔打排球打中老闆星途GG了

{{hket:ul-video id="3692"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

Think Big︳黃庭鋒無悔放棄做英超戴翅偉 做藝人父母唔憂低收入反而最驚…… 【下一頁】