Patrick Sir兒子洋蔥頭滿100日 讚囝囝孝順 未夠兩個月戒夜奶

林溥來（Patrick Sir）和太太關宛珊（Kimmy）的兒子洋蔥頭Preemo已經100日嘞！雖然未有為囝囝舉行百日宴慶祝，但兩人在IG分享溫馨甜蜜的「全家福」，Kimmy抱著為囝囝露出幸福笑容，Patrick Sir就抱著愛犬DonDon，「一家四口」齊齊整整為Preemo百日慶生！

{{hket:inline-image name="45.jpg"}}{{/hket:inline-image}}

Patrick Sir和太太關宛珊的兒子Preemo成長100天，抱埋狗狗DonDon合照慶祝。（Patrick Sir IG圖）

{{hket:inline-image name="31.jpg"}}{{/hket:inline-image}}

爸爸想一口咬實Preemo的小拳頭。（Patrick Sir IG圖）

愛美麗狂想曲│Patrick Sir事業愛情皆得意 成功背後淚憶家事椎心之痛 【下一頁】

Patrick Sir趁機講講當「百日爸」的心聲，最享受著囝囝給他的每個眼神、每個笑容，自己更努力解讀BB話，「想聽佢講係媽咪定係爹哋？」這慈父抱著兒子伏在胸口時，最鍾意嗅到BB的汗味，「聞到上咗癮！」最怕被老婆發現他偷錫BB，「你個嘴咁污糟做乜嘢錫BB？」；Patrick Sir很享受的說︰「希望兒子你健健康康過每一天！我哋冇幫你搞百日宴，但係就幫你安排咗今日呢個『百日影』！」太太Kimmy讚兒子好快戒掉夜奶習慣，「佢一瞓就瞓11個鐘到天光，食、玩、瞓都好配合，日日開眼都笑咪咪、興奮大叫，希望你長大後都會好似而家咁，都係好多嘢想同我哋講、同我哋分享，Daddy & Mamimi Love You.」

今日是Preemo的大日子 ，同時亦是東京奧運的開幕日，Patrick Sir早上陪完老婆同個仔之後，便趕返電視城，為主持奧運直播節目做準備。Patrick Sir接受《晴報》訪問，提到家庭，心情竟然好矛盾，「100日嘞！我感覺係想阿仔脹卜卜長大，但又唔想佢大得咁快，好矛盾！佢係我動力來源，會嗌醒我……」父子四目交投時，「佢笑嘅畫面好過癮，呢啲小點滴令到我好開心。」他覺得兒子先懂得叫「媽媽」的機會大一點，「始終太太照顧BB嘅時間最多……咁我都有幫BB沖涼，負責餵朝早第一餐奶……嫲嫲都話佢易湊，定時食奶又唔扭計，兩個月未夠已經戒埋夜奶，解決咗最大嘅難題！因為我負責餵佢食最早嗰餐，最初喺4、5點餵，而家BB瞓到7、8點先醒，至少我有覺好瞓囉！」

至於是否因疫情而不搞百日宴呢？Patrick Sir稱並非主要原因，是他和太太都不愛鋪張，就算沒有疫情都可能只是和親友簡單食餐飯，「其實都開始見番多啲朋友，之前連爺爺嫲嫲都少見，而家有帶BB出街見一下親戚朋友。」

撰文：衛紫敏

同場加映：愛回家之盛‧舞者│陳俊堅林浩文重拾舞蹈熱情 為演戲捱8千收入甘做「七線人棄王」

{{hket:ul-video id="3665"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

郭富城孖劉青雲內地開餐打邊爐 驚見青雲變白鬚公 網民嗌唔認得 【下一頁】