唐詩詠傾情演出兩種Girlfriend 內地網民嚇親：女神就差個頸紋霜

唐詩詠（Natalie）22歲就入行拍《當四葉草碰上劍尖時》，唔經唔覺已經18年，佢亦由當年嘅御用妹妹變成今時今日演咩似咩嘅視后級女神，非常厲害！除咗演技進化之外，現年40歲嘅佢近年不時被指樣貌「進化」，同當年出道時個樣有啲唔同，尤其雙眼皮變得明顯，不過唔少人都話比較鍾意舊時嘅佢！

{{hket:inline-image name="aeb90d993ab9798d51147cdd3a100431saasftp20200221.jpg"}}{{/hket:inline-image}}

出名係「最佳女朋友」嘅唐詩詠，一直予人「Girlfriendable」之感。日前佢喺抖音發布咗一條片段，就演繹咗兩種唔同嘅女朋友，大顯功架。片中佢示範普通人同劇集女主角嘅嬲起上嚟有咩分別，第一part就見到佢紮起晒頭髮，落力擺出嬲嬲豬嘅表情，又皺眉瞪眼，好有殺氣！但係由於條片喺冇濾鏡下拍攝，大家都將個重點放咗喺佢條非常明顯嘅頸紋上面，留言：「女神就差個頸紋霜」、「明星也敵不過頸紋」等等。

短片嘅第二part，唐詩詠將頭髮放落嚟，變得非常溫柔，不過雙下巴同法令紋都現形，非常覺眼。網民睇到都話唔係好接受到女神變老，留言話：「女神可否不要老」，又話希望單身嘅佢搵到愛情滋潤！亦有網友就留言撐佢單身都過得好精彩自在，又指人人都會老，大家都唔好對女明星太苛刻咁話！

同場加映：聲夢傳奇│Chantel曾難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】