食腦喪B︱朱智賢獲放生出席宣傳「孽緣劇」 黎振燁繼續雪戲份一刀不剪出街

無綫決定將劇集《食腦喪B》安排於本月尾在MyTV Gold及MyTV Anywhere率先播放，呢套由何廣沛及陳曉華主演出嘅劇集，一度擔心有機會成為「倉底貨」，因為年幾前戲中扮演夫妻嘅黎振燁同朱智賢因「抽離唔到角色」而發生感情，仲被影到「偷食」，各自有另一半嘅二人形象破產，事後齊齊遭雪藏，不過朱智賢近日已「復出」，而黎振燁則繼續冇影！

{{hket:inline-image name="fda28953-83ab-4696-9145-53a9136faa3b.JPG"}}{{/hket:inline-image}}

已於網上「上架」嘅海報只見朱智賢有得「留低」，黎振燁則被Out。據悉，當初《喪》劇開拍，正值疫情嚴峻之時，台前幕後都硬着頭皮開工，齊心協力完成所有拍攝工作，幸好劇集最終都可以「重見天日」。

今日朱智賢接受訪問，被問到心情如何：「當然開心啦套劇可以出街，呢個係一個好新穎嘅題材，有份拍呢套劇好開心。」問到新劇出街可會勾起回憶？佢回應：「唔會，都過咗去，大家都應該向前看，亦唔想事件扼殺咗其他演員嘅努力。（劇集出街唔使變倉底貨？）有話喺倉底貨咩？（記者齊聲指因為朱智賢）出街都開心嘅，因為自己戲份都唔少，想睇吓自己有冇進步空間。（之前海報話冇你，而家又有番？）我真係唔知……（黎振燁冇你咁幸運翻身？）演員都係被動，所有嘢都係公司安排。（話黎振燁冇諗過復出？）唔清楚，其他人嘅嘢就唔去評價。（監製話冇刪剪黎振燁戲份，睇到會點？）經一事長一智，所有人都從錯誤中學習，今次係好好嘅教訓，自己亦都上咗寶貴一課。（同男友睇劇會唔會尷尬？）私人嘢唔講喇。」

監製吳冠宇被問到劇集可有刪剪黎振燁的戲份？他說：「冇刪剪過，都係原本咁。（海報冇黎振燁份？）海報都係揀番啲最主要核心嘅演員。Jackson同朱智賢都係分支線（宣傳冇份？）宣傳唔係我處理，我亦冇聯絡過黎生。」監製表示未知幾時TVB 81台幾時會上，表示希望之後都可以順利跟一貫安排放映。

圖片來源：東星娛樂

同場加映： Thai耐無去︱泰國通胡慧冲遊曼谷超市 「海鮮」大發現 長食長有唔停得口

{{hket:ul-video id="3523"}}{{/hket:ul-video}}

Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】