《聲夢傳奇》︱Chantel被圍宅男肉緊伸手好混亂 「中頭獎」花容失色堅持幫簽名粉絲

《聲夢傳奇》決賽昨晚（19日）圓滿結束，電視直播收視錄得23.9點，最高達24.9點。而一班粉絲在賽前在將軍澳電視城門外應援，TVB考慮到3號風球下，決定臨時開放2號錄影廠，讓240名粉絲安坐錄影廠中為偶像打氣。由於多位學員「未夠秤」以「童工」身分工作，工作時間不能超過晚上11點，為免觸犯勞工法例，學員們甫完成比賽即被工作人員催促「趕落台」收工！

{{hket:inline-image name="a9ebb6036fca9bf86b8753c661d8f24b.jpg"}}{{/hket:inline-image}}

現場有大批歌迷等咗偶像成晚，終於喺呢個時候有機會近距離接觸兼「集郵」，喺工作人員安排下，粉絲分組同偶像合照、簽名，每次限時15秒至20秒。姚焯菲（Chantel）嘅粉絲最多，要分成四組合照，但幫粉絲「小菲象」簽名時，就發生咗不愉快事件。

「TVB娛樂新聞台」專頁的直播中，當時Chantel準備同第三組粉絲合照，之後眾粉絲即七手八腳遞上紙牌或手機殼等畀佢簽名。期間有一位戴眼鏡、身形高大嘅宅男粉絲將紙牌伸到Chantel近胸口位置，工作人員見狀即刻推開眾人想保護她！宅男粉絲被推至Chantel身後，佢反應極快再從後將紙牌遞到偶像面前，混亂間仲打到Chantel頭頂，更差啲刮傷佢嘅眼同臉……真係見到都覺得牙煙！

Chantel嚇到花容失色，幾位工作人員用力拉著嗰位男子嘅手臂，並勸喻對方：「唔好咁！冷靜啲！」但該男子鍥而不捨咁同工作人員推撞。為免情況失控，工作人員最後拉走Chantel，可憐嘅佢嘟晒嘴，但仍關心粉絲，驚簽唔到名：「我睇唔到簽咗啲咩！」工作人員卻說：「唔緊要！」

由於仲有一組粉絲未合照，Chantel好快又折返原地合照同簽名，而呢批戴上象耳頭套嘅粉絲送上鮮花，相對地較冷靜同守秩序，Chantel睇落都好開心！

同場加映： 聲夢傳奇│Chantel曾難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

 Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】