《阿女又戀嚟》進擊的媚姨為主播女兒揀大隻仔 出手扯衫：睇吓有冇老鼠仔啫

ViuTV昨晚播出新節目《阿女又戀嚟》，4名單身女生與異性進行戀愛配對體驗。每名女生將與2個男仔「拍拖」，一個是自己揀，一個由父母揀；到底係自己個羅庚勁？定係父母精挑細選下嘅神算醒，為阿女揀到絕世好男友？至於4位單身女，分別是藝人鍾慧冰（冰姐）的25歲、單身半年的女兒林靜莉 （Jeannie）；前有線娛樂主播、32歲單身2個月的植詠珊（Cathy）、26歲單身2年的麥麗怡（Lily）與及24歲單身2年半的陳詠鈿（Coco）。

{{hket:inline-image name="02.jpg"}}{{/hket:inline-image}}

新節目《阿女又戀嚟》能否為4個單身女成功配對好男友？（電視截圖）

{{hket:inline-image name="06.jpg"}}{{/hket:inline-image}}

鍾慧冰的女兒林靜莉（Jeannie）早有「文青女神」稱號。（電視截圖）

{{hket:inline-image name="12.jpg"}}{{/hket:inline-image}}

24歲的陳詠鈿（Coco）想了解父母眼中的好男友究竟是何種類型。（電視截圖）

{{hket:inline-image name="14.jpg"}}{{/hket:inline-image}}

麥麗怡（Lily）單身2年，在節目中能否遇上好姻緣？（電視截圖）

{{hket:inline-image name="16.jpg"}}{{/hket:inline-image}}

前娛樂主播植詠珊（Cathy）不介意一試在熒幕上找對象。（電視截圖）

ViuTV配對真人騷《阿女又戀嚟》 鍾慧冰幫女兒揀男友句句Mean爆 【下一頁】

第一集內容，一眾父母為女兒在「相睇牆」揀「候選男友」，在「見家長」面試環節中盡顯要求。前有線娛樂主播Cathy（現為本地軍事用品店御用模特兒）的媽媽媚姨即使齋睇相，評價已十分爆笑：「揀個小鮮肉畀佢（囡囡Cathy）搞……」睇完一個候選男友的資料後，再爆一句：「呢個39歲，應該唔使覆診！」之後去到見真身階段，媚姨更加進擊，知道候選男「東東」玩開健身，她老實不客氣「驗貨」，「可唔可以摸下手臂？」人家未回答她已扯開男方的衫睇「老鼠仔」，搞到東東好尷尬！

至於「實際派」就有冰姐與Lily父母，「銀行收入穩唔穩定？」、「你做模特兒會唔會係終身職業？」冰姐更直言︰「見你2、3萬收入，夠唔夠拍拖？」、「哦？你有錢？咁我都安心啲，我怕你要我個女負擔呀！」另外「Coco爸」是「問題父母」，佢問職業舞蹈員Catry：「你咁靚仔，有冇整（整容）？微調過呢？」、「舞蹈員都咁大隻嘅？係咪你件衫太細？」

被冰姐mean（挖苦）爆的不指一眾「候選男」，就連主持人練美娟都被她KO；娟姐說到男仔約女仔，第一次就去玩水上活動，似乎不恰當，因女方要穿泳衣會蝕底，冰姐即時反問：「你結咗婚未？有冇男朋友？咁就叫蝕底？所以你咪冇（伴侶）囉！」娟姐好尷尬，想收埋自己。

冰姐揀選了27歲的溜冰教練Ringo，跟女兒Jeannie進行第一次dating；兩人出海划艇，過程中Ringo表現細心，令女方留下不錯印象，女方係指冰姐……Jeannie對於第一次約會明顯「未有feel」。

撰文：衛紫敏

同場加映：聲夢傳奇│Chantel曾難抵負評打擊偷偷落淚 Yumi感激家人粉絲見證學員成長

{{hket:ul-video id="3619"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

聲夢傳奇│炎明熹贏10萬獎金最想買樓做孝順女 高層曾志偉將為學員開拍青春校園劇 【下一頁】