媽媽的神奇小子｜吳君如演殘奧金牌得主蘇樺偉媽媽 成功捕捉神髓獲真身肯定：照鏡呀！

改編自殘奧徑賽金牌得主蘇樺偉真人真事的熱血溫馨電影《媽媽的神奇小子》，由天下一電影出品及發行，吳君如監製及主演，尹志文執導。借電影帶出蘇樺偉同蘇媽媽嘅奮鬥故事。

{{hket:inline-image name="ee052227fbc170e4148352ce05e3a949.jpg"}}{{/hket:inline-image}}

吳君如透露自己演繹蘇媽有難度，不過事後得到蘇媽嘅肯定令佢非常高興，君如喺自己社交平台留言：「其實準備做蘇媽呢個角色都有啲困難。因為蘇媽不是一個歷史人物，大眾對佢冇固定形象，而當我做資料搜集嘅時候都冇搵到她與蘇樺偉的日常片段，所以最後我哋安排左同蘇媽見面好幾次，慢慢去捕捉蘇媽的神髓。」

君如指佢對蘇媽第一個印象就係覺得佢係一個好爽快嘅人，講咗好多佢同偉仔嘅經歷畀君如知，令到佢決定到自己跟「爽快」呢個方向去演：「蘇媽第一句同我講：『君如唔怕問，我乜嘢都可以我冇嘢唔可以同人講嘅。』直到開鏡之後真蘇媽第一次來到現場，見到我佢嘅第一句說：「嘩，照鏡呀！」真係笑鬼死我。 而得到佢呢句認同，我都覺得好開心。」

吳君如演繹嘅蘇媽分3個階段，蘇媽喺最初十年照顧阿仔較為憤怒，後來發現蘇樺偉有跑步天分，就稍為放下心頭大石；第2個階段嘅蘇媽係寬容嘅，感到苦盡甘來，君如仲自行加插咗蘇媽有貪靚一面；而第3階段家中再發生不幸事件，令重擔再次落喺蘇媽同蘇樺偉身上；而另一個關口就係蘇樺偉開始唔聽話，令蘇媽內心非常難受，各個階段嘅心路歷程層次分明。

同場加映： Thai耐無去︱泰國通胡慧冲遊曼谷超市 「海鮮」大發現 長食長有唔停得口

{{hket:ul-video id="3523"}}{{/hket:ul-video}}