單對單｜江美儀恨做小女人自揭離婚真相 吳君祥曾聽閒言：覺得身分有距離

一連四集的無綫療癒系訪談節目《單對單》，明晚（17日）十時至十一時於翡翠台播出最後一集。為配合「單身也可積極自強，活出精彩豐盛人生」的主題，今集主持黎芷珊請來經歷離婚後依然活得精彩的江美儀及黎瑞恩，與大家分享如何好好享受一個人的快樂。

{{hket:inline-image name="006.PNG"}}{{/hket:inline-image}}

出名愛狗之人的江美儀，特意帶同愛犬Teddy與Tina在節目中亮相，又帶芷珊暢遊自己平時跑步的地方。美儀坦言視兩頭愛犬如人仔，除了餵牠們吃保養品，更會親自煲湯給牠們。談到愛動物之人養寵物最害怕的地方是生離死別時，美儀感性地表示：「係要面對嘅，因為永遠唔知道隻狗係咪會突然離開，所以要珍惜每日嘅時間，愛要及時。」

{{hket:inline-image name="004.PNG"}}{{/hket:inline-image}}

作為家中長女，美儀指父親自小便視她如兒子般教育，甚至還幫忙搬過冷氣；不過其實美儀戀愛時還是會渴望成為小鳥依人，只是遇不上對的人。健談率直的美儀，指離婚真相是因為大家步伐不同：「佢都好大壓力。佢係某某個仔、某某嘅細佬、同邊個邊個嘅男友，佢永遠冇一個好清晰嘅身份。」美儀又謂因工作關係，經常不能陪前夫外出應酬，以致前夫要聽閒言：「可能好小（好似冇乜嘢）嘅一句說話，我覺得佢聽咗會覺得好似我哋身份有距離。」

一個愛熱鬧、愛朋友，一個想愛得浪漫一點，加上生活習慣不協調，令美儀覺得不開心與日俱增，就算雙方曾嘗試挽回，也因步伐差異未能成事：「我見佢冇乜特別行動想箍煲，或者我要求高，我希望佢呢樣嗰樣，可能佢做咗我唔覺，或者唔係我想要嘅，佢有講過話我想佢做嘅嘢佢做唔到。」美儀又指提出回復朋友身份的契機，是前夫到了內地工作後，她發現一個人都可以很開心和自由。「（關係長咗係咪老奉咗？）佢有驚喜嘅，有搵我朋友搞驚喜派對，但我唔係想要呢啲。我想兩個人燭光晚餐，真係頂唔順！」坦言有感到受傷的美儀，對於該段關係卻沒有遺憾：「愛過咪得囉。」

美儀還帶了芷珊打坐靜修，她透露之前也是靠打坐走出陰霾：「初初坐坐吓會腳痺、腰骨痛，但只要堅持嘅話，知道目的係乜，好快啲嘢會走開。最好喺戶外打坐，因為可以聞到花香味、草味，搵到嗰刻嘅寧靜。」縱然受過情傷，美儀不排除會再尋覓另一半，只是不會再同居：「有鼻鼾點算？又要重新適應過，好似好煩咁。」

同場加映：群星見證《晴報》十周年成長 齊聲祝賀生日快樂

{{hket:ul-video id="3569"}}{{/hket:ul-video}}