生活態度｜只返兼職享受「退休生活」 30多歲港男形容返全職冇晒人生 「想過得有意義啲」

大家有沒有人生目標？到了「三十而立」之年，又會怎樣計劃未來的生活？一名30多歲的港男日前在網上發帖，分享自己的「退休生活」。他表示自己只返兼職賺錢，平時會上興趣班及做運動，「終於知咩叫work-life balance（工作生活平衡）」。他又指自己之所以會「頓悟」，是與已病故的爸爸有關。

該名港男周三（14日）在網上討論區「連登」以「做兼職做過世都幾好」為題發帖，指自己30多歲，自前年被解僱後便只返兼職賺錢，

「終於知咩叫work-life balance……其實都唔hea（懶散），Part-time（兼職）返3日，興趣班返兩日，隔日做吓運動，有時仲覺得忙添。」

他指出，自己與家人同住自置物業，有女朋友；女方不完全認同其理念但會支持，且兩人沒有生育計劃。他又指，每月返服務業的兼職可以賺到6,000元左右，形容「兼職夠食夠買夠畀家用」，而且平時又會報讀語言、煮食、咖啡、調酒等各種興趣班，

「而家PT（part-time）就搵幾多使幾多，盡量唔使以前儲落嗰啲……豪食／大使咗咪返多幾日PT，唔使慳住用，但都要控制好支出。」

此外，他表示自己沒有上進心，更無意置業供樓「成世咁困身」，「身邊啲人就唔多認同，覺得搵咁少點夠30年後退休。但其實而家我已經過緊退休生活啦喎，唔係仲開心咩？」至於老來的生活，他坦言「做到冇力咪等政府養」，

「嗰時牙都甩晒，邊有力周圍打卡食好嘢；老咗如果有地方住，日日落樓下公園X坐吹水，我諗唔使得幾多錢。病咗咪唔好醫，都活得夠耐。」

他又解釋自己之所以如此選擇，是因為數年前，爸爸在59歲時患癌病逝，「成世人辛苦返工進修升職供樓換樓養我哋，做到50幾歲終於捱到病咗。係呀，之後嗰幾年終於退休唔使返工啦，但成日出入醫院仲要醫唔番。」因此，他選擇只返兼職是希望「過得有意義啲」，可以有多點時間做自己想做之事，

「返全職冇晒人生先係同死人一樣……搵錢儲錢儲得咁辛苦，真係有命留到退休用咩？」

網民：開心最緊要 VS 唔想老咗嘅時候過生活差

此事引來網民熱議，有人認同事主的選擇，表示並不追求物質生活，只求輕鬆、快樂、健康地活好每一天。但同時亦有網民表示不認同，認為事主女友或會因此而離開他；而且老來時如果單靠社會福利過活，生活質素未必會好。對於有網民表示「唔係你老竇幫你捱咗，你今日邊有樓住呀，邊有得返兼職就夠食」，事主坦言：

「係，所以我要再講多次，我好愛我老竇，多謝佢。」

（↓點擊圖片放大↓）

同場加映：

跨性別｜從小渴望做男仔接受手術做自己 「跨仔」難忘父親喪禮花牌自稱「二兒女」

{{hket:ul-video id="3492"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

每朝索取《晴報》：精明生活．健康家庭．開心娛樂

責任編輯：李凱晴