細仔滿月即開工｜胡杏兒大仔曾親近家傭多過媽媽 老公特准帶二仔北上免悲劇重演

胡杏兒今年4月誔下細仔李奕宏（Liam）成為3子之母，5月初坐滿月出關，5月底已急不及待帶埋二仔Ryan北上復工。今次杏兒一走又4個月，所以即使日前係Liam嘅百日誕，佢都只能透過視像見面影全家福。不過杏兒為咗畀初生嘅囝囝繼續飲到母乳，選擇邊拍戲邊揼奶，再將人奶冰鮮速遞返港。

{{hket:inline-image name="001RQ3g7gy1gq6csr9ncbj60u0144gvj02.jpg"}}{{/hket:inline-image}}

杏兒今次去大陸做嘢一啲都唔孤單，因為兩歲大嘅二仔Ryan冇留港讀學前班，而係跟埋媽媽北上開工。杏兒自15年約滿TVB後轉戰內地市場，直到17年憑住內地劇《那年花開月正圓》人氣急升，不過就因為大仔出世要停產，直至19年復工拍內地劇集《末代廚娘》，人氣回升。不過有得就有失，杏兒拍完《末代》返港後，據傳當時只得歲幾嘅大仔Brendan唔再黐佢，母子關係變得好疏離；杏兒更因為自己地位連工人姐姐都不如，而忍唔住爆喊。

杏兒老公Philip雖不忍見到老婆咁樣，但又唔想阻止佢搵銀兼追演藝夢，所以今次就開綠燈畀杏兒帶埋二仔Ryan開工，趁囝囝年紀仲細帶埋佢開工，希望可以增進親子關係！去年杏兒帶住小Ryan，陀住Liam喺內地拍《演員請就位2》兼過中秋節，粗身大細仍搏到盡，最終成功奪冠。去年10月大仔Brendan三歲生日，杏兒隔空同佢賀壽，感性發文：「我親愛的奕霆，雖然今年媽媽不能在你身邊，隔著電話看到爸爸和婆婆他們給你慶祝，媽媽的眼睛莫名的濕了，相信你這一刻也不會怪媽媽不在你身邊。等你再長大一點，媽媽要告訴你，媽媽是去了工作，去了追求自己的夢想；你經常在電視上看到媽媽是因為媽媽是一個演員……媽媽很愛很愛你！」

同場加映：單對單│黎芷珊原生家庭影響決定不婚 「單身只係生活模式 習慣咗就好」

{{hket:ul-video id="3573"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】