盛舞者｜狄以達憶跳舞血淚史激動爆喊 曾因練舞傷頭影響視力未言放棄

街舞真人騷《盛舞者》昨晚（13日）播出的一集，洋蔥位落在導師狄以達（前名狄易達）身上。原來達仔跟其戰隊「Last Attack」以舞者初心為主題所跳的齊舞，其實包含了他個人的跳舞故事。達仔在台上越講越感觸，流著淚講入行後常遭人話「跳舞唔係咁跳」，似窒他唔識得做人，但一個人力量始終有限，未能夠作出任何改變，令其感到很疲倦。故事打動在場各人，而他的隊伍亦獲得最高分數。

{{hket:inline-image name="07141001.jpg"}}{{/hket:inline-image}}

{{hket:inline-image name="07141002.jpg"}}{{/hket:inline-image}}

盛舞者│宣傳片曝光 王祖藍表弟孖八參賽 狄以達任導師：我想參賽多啲【下一頁】

《盛舞者》今個星期延長播放時間至45分鐘，昨晚一集由狄以達的「Last Attack」、王君馨的「Hot Flavaz」及麥秋成的「TX」以齊舞互鬥，結果「Hot Flavaz」獲220分、「TX」得201分，而「Last Attack」有227分。「Last Attack」能夠勝出，全因為舞步及舞者表情投入而成功打動到評判。身為導師的達仔在開跳前表示：「今日我哋嘅主題係『舞者嘅初心』，係我哋嘅故事。我覺得做人同跳舞一樣，都要忠於自我，擇善固執。我哋希望話畀自己聽，保持個初衷，唔好忘記為咩跳舞！」

「Last Attack」完成表演後，隊員心情久未平復，有人面上充滿淚水與汗水，再次找到跳舞的夢想和初心。被問到如何構思這次舞步，達仔哽咽說：「其實係我哋嘅故事，簡單係講一個好鍾意街舞嘅細路仔，（都係講自己？）佢夢想係想做一個Dancer，想喺舞台上表演；好幸運地佢好快入咗行……但發現好多嘢原來唔係好似佢所諗咁。呢個小朋友成日聽到最多就係『跳舞唔係咁跳！』，彷彿同我講『你唔識做人！』，你應該要同大家一樣……呢個小朋友諗住堅持去改變咁嘅氣氛，但十年來，一個人嘅力量都唔係好改變到啲乜嘢，甚至覺得好攰。呢隻歌係我兩年前寫，但係寫完、做完，我決定唔出，我冇諗過攞呢隻歌上台跳舞。（就似最後一幕希望捉緊夢想？）到最終我哋都希望，捉緊番我哋自己最初跳舞時嘅諗法。」

盛舞者│節目首播9分鐘一鏡舞到尾超精彩 《愛回家》臥虎藏龍勁多舞林高手【下一頁】

評判之一的阿輝感同身受，「達仔，你講嘅嘢咁似我以前入行嗰時成日俾人話嗰啲……你呢個故仔簡單得嚟易明，帶出好多訊息，你嘅Team畀我嘅表情和感覺，已經係做晒好多嘢。Thank You你，加油！」而Sunny Wong大讚達仔這次排舞簡單又超乎到位，而且最難得是跳出真我。

達仔之後在鏡頭前又說：「其實幾鼓勵嘅，鼓勵番自己。有人覺得排隻舞，唱隻歌或者表演一樣嘢，我要鼓勵你……Sorry，我唔係一個超級正能量嘅人，雖然我係笑笑口，但其實成日講不如鼓勵自己先，話畀自己聽亦都唔好放棄，繼續做番自己鍾意嘅嘢，話畀自己聽每日都要加油。」

（↓點擊放大睇圖片↓）

現年32歲的達仔由11歲開始對街舞著迷，曾為了學好轉地動作，花50元的零用錢向婆婆買紙皮墊地作練習；更曾因練習致摔倒弄傷頭部，視力一度受影響，但亦未有減退他對跳舞的熱情。達仔於2008年獲陳百祥賞識而入行，翌年成立跳舞學校，至今已開辦了三間學校，亦有跟拍檔開創網上裝修配對平台。

撰文：梁榮達

同場加映：黎明演唱會邀林日曦做嘉賓 手拖手唱歌上演《大叔的愛》

{{hket:ul-video id="3554"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】